雜評：Shelock Holmes 神探福爾摩斯（I、II）[2014.5.8]
 ┗ 明珠台電影評論

以下言論並非以原著為基準所作出：

4 May, 2014  Sun  21:30
Movie of the Month:
Sherlock Holmes A Game of Shadows 神探福爾摩斯 詭影遊戲

1

睇「神探福爾摩斯」（以下簡稱福I）已經喺三個月前既事，當然我指既唔喺距播送既日期，喺我download個片既日期，講到英國
文藝，最top既兩個名唔使我講大家都應該知，如果第一喺莎士比亞，錦第二就喺福爾摩斯，無論喺改編而成既漫畫、動畫和衍生小
說，定抑或喺拍出來既電視劇、電影，有關Holmes既作品可以話喺不在少數，但喺如果做一個簡單既分類，那麼大家會發現，其實
主要就得兩派：一派基本上保持咗原著既品調，呢派我稱之為正統派；而另一派就以不同程度對作品有所改編，譬如將時代背景搬到
現代（Shelock[新福爾摩斯]），或者將華生變做女人（Elementary[福爾摩斯新傳]）。

平心而論，喺而家既大環境，走正統派既路線其實仲輸蝕，因為英美觀眾已經習慣咗柯南道爾筆下嗰個classic既福爾摩斯（當然仲有
華生），習慣到已經開始覺得厭倦，喺呢種情況下搞番D新意思，新瓶裝舊酒，其實并唔喺無謀，反而仲有出奇制勝既功效，當然最
後既收穫如何，咁又是另一回事，如果諸位睇過2011年既三劍客，相信大家都會嚇一跳，雖然主幹劇情冇變，兼且班cast都唔錯（至少
在外表上），但係情節畢竟同原著相距甚遠，白金漢竟然揸住部飛艇登場，錦既橋段實在冇辦法buy，我諗唯一可以保證票房既喺距
既畫面特效……

2

講咗咁多，其實我都幾佩服下個Director（包括編劇），冇對情節作出大改動，而喺按照經典既福爾摩斯&華生形象，喺正統劇情裏面
玩新花樣，而且羅拔唐尼同祖迪羅既組合，可以話喺咁多個版本裏面最有原著神韻既一對，俾著我喺導演，都唔忍心攞D亂來既劇本
俾距演，咁樣祗會喺浪費班底（一如對The Tourist[機密邂逅]既評論，靚組合遇著衰劇本，巧婦難為無米之炊），當然唔可以唔提既
喺配音既班底，畢竟我寫既喺關於 Pearl 既電影評論，而唔喺齋講套戲，由潘文柏配Holmes、蘇強文配Watson絕對喺無走雞，大家如
果喺重溫時俾多兩錢眼力，會發現無論喺嘴型定喺語氣，同距地自己親自去演冇乜分別，所以之前提到十個我最心水既cv，我列咗阿
潘同阿蘇，呢出戲就喺好重要既原因。

今次呢出神探福爾摩斯：詭影遊戲（以下簡稱福II），同福I相比，總既來講，風格喺大同小異，不過福II關乎到福爾摩斯同宿敵莫里亞
蒂教授既對決，而且仲有福爾摩斯阿哥邁克（扮距既演員Stephen Fry都唔野小，可以稱得上喺UK既國寶級演員），所以論劇情既精彩，
絕對喺不遑多讓，如果再對比下黑木勛爵同莫里亞蒂既call Li，我就會話福II好睇過福I，起碼個boss夠奸同埋夠手段。

3

上面講到咗黒木勛爵同莫里亞蒂既對比，黒木勛爵搞事，喺為咗要謀殺一眾英國議員，然後實現距既野心，而莫里亞蒂就喺挑起法國同
德國既戰爭，然後演變成世界大戰，而距就可以從中得利。雖然兩個人睇落無拉無楞，但係如果我地睇番喺福I裏面交代過既一段劇情，
錦我們就會知道，喺黒木後面既，就正是莫里亞蒂，睇來莫里亞蒂既計劃應該喺搞定議會，然後就實現距既野心（福II提到其時既英國首
相喺莫里亞蒂老友，等於俾距控制住）。

只可惜既生瑜，何生亮，有福爾摩斯在，搞禍曬距既計劃，所以莫里亞蒂就出手喇，先兌霖咗同 Holmes 曖昧不斷既Adler，然後搞距朋友，
亦即係華生，當然呢D野Holmes早就估計到，所以有咗福II裏面既一段火車戲，果D嚮往Holmes同Watson有路既觀眾，睇到呢part應該會叫
爽，福爾摩斯cosplay成女人（雖然喺幾樣衰），之後華生惱起上來仲撕爛福爾摩斯既衫，真喺有床戲既味道，當然我話Holmes同Watson疑
似搞基并唔喺亂噏，先唔講原著或者其他版本，凈喺睇福I同福II，喺福I裏面Holmes企圖搞禍華生既婚禮，又話唔捨得華生走，而喺福II度，
當華生同瑪麗行禮時，電影既背景樂聽來不似喜慶，反而帶憂傷，兼且福爾摩斯企喺度果段，又帶出一種悵然若失之感，所以祗要喺稍為諗
埋一邊既話，都會覺得福爾摩斯同華生之間有「基」情（當然我并唔屬於這裏頭一份子，但我可以領會到）……

4

再講番福爾摩斯同莫利亞蒂既對決，喺福I裏面為咗渲染福爾摩斯身手打得，用咗兩次先慢鏡後快進既「事件重演」手法，而喺福II裏面亦都有
三段，一段喺對付Adler（或莫里亞蒂）既馬仔，另一段喺對付哥薩克刺客，最後喺同莫里亞蒂既打鬥，不過同福I既心想事成唔同，喺福II裏頭既
「預演」，第一次得咗，第二次因為刺客有防範，所以要打多一場（仲搞到華生冇曬贏番來既錢）；第三次俾莫里亞蒂提出反預演，最後比人做
低。其實睇得動作片、功夫片多，如果喺時機適合，其實慢鏡呢個手法都的確喺唔錯既。

喺新福爾摩斯度，選擇同歸於盡既人喺莫里亞蒂，而唔喺福爾摩斯；呢樣其實都真係改編得幾成功，畢竟喺正邪對決既戲段裏面，看眾肯定寧願
個奸角強D，咁樣先有睇既慾望，一如D韓劇錦。從呢點來講，福II既結尾的確無甚看頭，因為了解情節既人都知道，到最後福爾摩斯一定會復活，
無計啦，忠實原著就喺錦架啦！

5

最後提下關於福爾摩斯既死。當年柯南道爾寫最後一案既時候，其實就正是有收筆之意，所以俾咗福爾摩斯一個轟轟烈烈既結尾，之不過因為廣大
既讀者唔buy，迫於壓力，柯南道爾惟有將Holmes由死復生，呢樣野影響咗後續既作品，例如新福爾摩斯，喺第2季既Ending已經跳樓自盡，點知喺
第三季又死過翻生，而且交代距復生既安排果段，睇完我真係覺得，寧願距死喺第2季算了，咁樣叫好聚好散，喺呢出戲都一樣，其實應該喺華生打
完最後一段既END之後就完場，錦樣就喺一個典型既悲劇結局，拿破崙話齋，悲劇先喺最打動人既，不過睇到福爾摩斯喺END後面加咗個問號，唔使
問大家都知道會拍續集：神探福爾摩斯III的吧（幾時部戲拍出來，而明珠台又買咗，咁咪再寫過一篇雜評咯）！