日日由朝浦到晚,七仔擦鞋唔偷懶;適馮三週年時間,詩七又嚟吟一番
網上世界嘅典範,新晉出位嘅論壇;幾年光音去又返,發展迅速唔簡單
會員遍佈洲與省,天涯海角指尺間;神州會員最勇猛,廣東一帶打橫行
一搞活動個個撐,港澳同胞一齊玩;偶爾聚會擦番餐,唱歌直落顛番晚
先嚟介紹下各版,細說論壇慢慢嘆;吟埋前事先夠盞,作為指南就最啱
*特別收錄~打工仔心聲*
哩頭搞掂電費單,果頭老婆担手板;子女又話學識行,奶粉尿片冇得慳
過完一關又一關,勞勞碌碌博命撐;返工返學心又煩,生活困難為兩餐
壓力強勁心灰冷,行錯半步冚包散;咁樣落去死九硬,唔死都會一身潺
小有機會出去玩,看看電視又一晚;錯過節目最撚慘,最衰老細唔放監
返得屋企吃過飯,望望時間兩點三;只好仰天長長嘆,出嚟行遇左要還
尋找娛樂解苦難,平衡一下先至啱;唯一希望在論壇,年中無休最抵讚
錯過節目唔洗煩,下載區最多人逛;咳埋告白慳時間,電玩娛樂好多瓣
電影音樂就最啱,综艺記錄任你簡;國家地理任縱橫,哩頭志雲請食飯
果頭思浩做怪談,志偉掌門多人撐;體育節目都唔慢,緊貼比賽快啲down
追看劇集最麻煩,打工仔邊會得閒;守候家中睇成晚,唯有下載區補番
廿集打包最抵讚,一氣呵成慢慢嘆;充充電到處翻翻,看看討論資訊板
時事得閒行幾行,新鮮話題任你簡;轉個靚彎逛兩逛,穿梭社會任縱橫
魚蛋仔負責果間,新聞資訊唔會慢;撲滅罪案膽博膽,為左幾蚊將人斬
豆腐又話當仙丹,老千橫行道無間;祈福騙局昆老坑,溫故知新避災難
再到侦灵地带玩,看見奇案眼都盲;推理唔係我果瓣,估嚟估去都唔啱
玄幻无穷都有逛,花街十七號果間;神婆神棍一大棚,最啱愛嚟懾時間
心理測驗最好玩,ＡＢＣＤ任你簡;分析潛意識裡翻,認識自己咪眨眼
七仔勝在夠命硬,星座运程作等閒;面相掌紋亞媽生,掌握命運自己行
股金中外個個讚,看看市場點樣行;搵番多小夠食飯,深沪指数有野玩
好友淡友亂咁撐,牛市熊市都照玩;只想把財翻兩翻,高開低收最大單
一句可惜錢財散,好明顯又比人玩;定係恭喜你估啱,全靠上天開開眼
羅拉心腸比較硬,板主嚟講算兇殘;追殺曼聨眼唔眨,句句曼狗杏加橙
*隨輸附送~詩七闖股壇心得*
~牛市追貨叫投資;熊市溝貨正白痴~
領導怪招約大班,人民幣再升點辦;經濟過熱好麻煩,加息減息睇時間
小小甜頭鳥獸散,小小苦楚繼續玩;跌落深淵嚇破膽,壯士斷臂哩埋喊
切勿太狼太勇猛,止血離場先至啱;夠膽嬴視作等閒,夠膽輸先算大膽
股壇大鱷最鬼奸,專門食人唔食飯;亂放消息把貨散,升斗散户中流彈
一生錢財隨風散,賣屋賣田住客棧;搞到賣身好淒慘,跳落火坑救唔返
財爺部長愛空談,刺激經濟靠核彈;刺激油價用戰艦,最叻就係拖時間
專家講野最空範,內幕消息最攞膽;股票經紀搵餐晏,握握氹氹開account
公司估值幾廿萬,夠膽睇到三萬三;股東出嚟茶篤撐,年中開多幾十間
又話收購李老闆,集資供股攞去玩;魚翅魯飯你埋單,公佈業績大災難
派息時侯冇銀彈,輪到董事猜兩板;寫埋專欄搵笨蛋,扯完貓尾扯大纜
基金大袋唔簡單,做足功課勿亂行;學會分辨言語間,肓目跟風盞破產
歐美動向先至啱,場外消息咪亂探;高低波幅最易賺,難逃詩七隻法眼
業績公佈跌停板,資產總值加與減;發展方向順定艱,反映股價up or down
大户出擊嘅時間,就係收市一瞬間;鎖定兩隻跟住玩,日日出糧唔係難
指數期貨最好賺,預算上落眼咪眨;三心兩意荷包爛,量力而為莫太貪
病態賭徒一大班,磨下磨下席都爛;市場投資咪當玩,心全僥倖同我躝
出擊大忌手腳慢,上車要掌握時間;唔識落車就咪玩,止嬴止蝕要跟番
俞吟俞長唔覺眼,離哂題係我唔啱;可能哩排冇去玩,多數睇電視餸飯
師奶都話闖股壇,蛾姐演技超哂班;結局唔錯又抵讚,靈感湧現腦海翻
*~續~*
詩七迷途識折返,都係吟番個論壇;自己最愛睇肉板,波友聨誼嘅空間
兩只板主傻更更,如厕榮升做總板;代價沈重確非凡,聽講最近比強姦
晚晚比人攞去玩,名都改埋日日喊;起名厕所冇得簡,整估佢嘅叫劉生(Tiger嬲)
四眼文少最爛玩,持住後生多子彈;一見索女就起痰,日滾夜滾識轉彎
開親盤就唔得閒,派米時間重未返;滾緊鬼妹好識嘆,為國爭光確係猛
講開波經吹成晚,體壇資訊任你簡;足球籃球樣樣啱,跳水跳樓又跳欄
毛球乒乓有人撐,女子體操冇得彈;熱血網球最養眼,短衫短裙露內胆
睇到餓男牛咁眼,口水鼻血滴濕衫;一講國足火氣猛,孖孖叉叉唔駛還
費柴茅躉一大班,鄭智一只唔夠玩;越踢越殘越冇膽,龜縮戰術嘥時間
冇話大勝型一番,進攻無門亂咁省;野野抄上天花板,飛機比佢射鬼爛
前鋒靠只鬥雞眼,埋門乏力冇食飯;博大霧陰魂不散,射極唔入嘥子彈
防守更加小學生,猜佢兩腳自動散;越位陷阱擺得慢,耆英後衛正蛋散
煲煙劈酒瓣瓣啱,靠佢解圍死九硬;等佢回防等成晚,跑幾碼吋步難行
行行企企點搶灘,一推就過哂幾關;下下單刀嚇破膽,烏龍擺埋大災難
踢嚟踢去都咁潺,落後一粒重大單;功夫足球齊發難,偉鋒隊長帶頭行
腳腳攞命最兇殘,惡意犯規把人鏟;紅牌出場抵到爛,主場黑哨救唔番
打小幾件又唔慣,博埋老命追唔番;垃圾時間難平反,夠鍾收工去換衫
重好意思露歡顏,耤口多多最野蠻;痾屎唔出瀨地硬,對手太強未夠班
愛國球迷最淒慘,錯信國足冇運行;頂肺之聲震論壇,吊蝦兄弟一大棚
折蟹姊妹都唔慢,最衰一班死軟蛋;抵佢老母唔得閒,發洩過後歸平淡
輪到吟博彩時間,估波仔就最好玩;搵埋搵埋博番餐,主客和任得你簡
一時附碌中波胆,可以把錢翻多翻;曾經上榜排第三,波王水蓋子尺間
好想整個返嚟攬,簡定顏色襯定衫;開心時光樂忘返,個個買莊我買閒
急速下滑最淒慘,輸到亞媽認唔番;奈何黑氣重未散,幸運之神唔得閒
黑起上嚟鬼揞眼,估極唔中又爛玩;場場一千博反彈,每況愈下救唔番
上季輸到嘔蚊飯,埋單唔見五六萬;今期只負兩萬三,成績唔錯有運行
中超水蓋最搶眼,有個七字係中間;刺激七仔最攞膽,偷偷地去望兩眼
三唔識七我冇玩,唯有贈慶吟一番;波神一號最勇猛,中超中甲射全餐
廣州醫藥升左班,同聲同氣個個撐;陕西中新最搶眼,附附碌碌打橫行
長腿叔叔唔簡單,英超歐聨冇困難;文少色魔到唔慢,亦步亦趨排二三
良囝眼光超哂班,歐國杯佢最強橫;意西大戰蛋對蛋,一千大銀中波胆
跟佢搵食發九硬,琳琳哩排都有玩;禮金盡散唔駛還,魚蛋仔激到噴飯
藍調博彩嘅空間,另有一間係頭板;論壇唯一大壞蛋,貴利洪打色果間
大众赌坊馮人斬,抽水黑店咪亂逛;三公家樂唔覺眼,更加唔會有番攤
只有大細比你玩,五十五十唔算奸;買大開細比你嘆,買細開中都夠膽
有殺冇陪最好賺,輸夠一萬請食晏;十萬免費自助餐,甜品重有驚瘋散
*出事前~心理狀況*
~情場失意亂如麻;賭場失意亂咁爬~
話說半年前時間,得知惡耗心好煩;女友出嫁前一晚,明顯新郎係姓關(七仔姓黎)
借酒消愁好孤單,傷心往事心裡翻;孤苦伶仃好想喊,酒氣一過訓唔返
夜半三點浦論壇,不知何來身是膽;痴住洪爺鬥命硬,不知入錯鬼門關
李白:
弃我去者，昨日之日不可留。(命裡無時莫強求)~橫批
乱我心者，今日之日多烦忧。(想得太多眼淚流)~直批
詩七:
騙我去者，畢日之日牢裡留。(老虎請你幚幚手)~斜批
愛我留者，明日之日永無憂。(但願不只是朋友)~是但批
詩七:無題詞Mix盧照鄰:長安古意(最尾果句)
ＸＸ唔知去左邊~八號風球吹到顛
六月廿八望相見~身在獅城不能眠
字裡行間愁滿面~只羨鴛鴦不羨仙.
*~再續~*
詩七一時睇漏眼,賭枱骰盅藏機關;七下七下攝時間,交下學費都成萬
心有不甘想嬴返,銀行噤機搵子彈;來回地獄又折返,中正下懷撞正板
明明係單跳時間,突然細孖唔得閒;長開大孖眼唔眨,連續廿鋪都夠膽
綁住強暴心灰冷,三爬兩砵破埋產;身家散盡不復還,輸乾輸淨窮光蛋
跌落陷阱冚包散,奉勸各位咪撚玩;一失足恨錯難返,見到洪爺運路行
曾經諗個是嘜但,悄悄離開這論壇;錢財無左好鬼閒,博命灌水搵得番
難捨知己一大班,誰伴我共渡時艱;最幚得手係時間,抖擻精神再出更
蓝调论坛唔簡單,康樂活動最好玩;佩套設施最強橫,先嚟美食情报站
版主懸空未上班,小棠客串就最啱;詩七閒時揸鑊鏟,最叻真傳嫲撚飯
獨枯幾味口都淡,多得小棠美食站;去到街市唔駛煩,三餸一湯唔係難
煮下新野嚟餸飯,資料詳盡確抵讚;跟住嚟煮好簡單,食你唔死就過關
再嚟視頻貼圖版,坐落悠閒區嗰欄;玄幻侦灵地之間,趣味豐富樂無限
古怪圖片最搶眼,抵死標題搵笨蛋;惹人暇想笑一餐,轻松和諧就最啱
消除煩惱好簡單,解除壓力都唔難;寰宇風情清心盞,看看風境又一晚
每人六野唔駛爭,山村老师最多產;貼圖重多過食飯,專業貼圖嘅典範
串紅睇場唔偷懶,板主嚟講算好眼;驗屍咁驗捉壞蛋,灌水搞事冇運行
樓下俱樂部時間,板主幸福在瞬間;出賣靚相嘅空間,人流旺過銅鑼灣
藍调美女一大班,只只爆鏡多人爭;餓男一睇睇成晚,相約見面食下飯
藍调俊男最勇猛,就地徵婚作等閒;為博美女望一眼,唱埋歌仔最大膽
顛佬直頭唱家班,有跳有唱最噴飯;好耐冇見佢出山,唔知哩埋邊度玩
七仔得閒都有逛,抵死描述笑一餐;望下靚女養養眼,亂頂舊相比人鏟
情感路上陪你行,短篇連載催淚彈;感同身受好淒慘,馬尿幾滴邊個還
大力睇場最強硬,冇人敢係度發難;拜雲長多過拜山,義薄雲天人人讚
即使前路好難行,兩協插刀陪你撐;捱過寂寞救得番,雨過天晴路平坦
一本好書剪輯板,優秀文章任縱橫;夜蘭人靜睇最啱,勾起回憶唔好喊
寄存深情一瞬間,寫低日記咪偷懶;月光族長最愛逛,由靈風師兄發辦
大力護航唔簡單,評分更加係唔慢;吟埋最後哩一關,等到天光去上班
大家估下開邊瓣,就係水鬼鱷魚潭;鎮壇之寶此一間,客似雲來最好賺
地方寛僘夠光猛,話題廣闊無界限;自由言論嘅空間,吹水一族樂忘返
水鬼出沒嘅時間,無分漆黑定天藍;二十四小時輪班,重有幾只陪你玩
板主笑容最燦爛,姓方名方好鬼慳;天生麗質惹災難,裙下之臣一大棚
應付傻傻已夠慘,狂蜂浪蝶又來犯;工作繁忙好夜返,家人對佢又冷淡
姊姊無聊激到喊,好彩大力神鍚番;狂蜂一見倒後行,浪蝶傻傻嚇破膽
頭像絕配最浪漫,連體怪嬰行沙灘;羨剎旁人紅哂眼,論壇美事又一單
*寫思寫境寫弧單~太疲太勞太軟蛋*
就係哩一個時間,諗起自己闖情關;屢試屢敗好撚慘,次次都係衰哩瓣
勾起憾事纏心間,找尋幸福心灰冷;ＸＸ足跡搵唔返,俞諗俞煩俞腦殘
靈感盡散大撚單,埋唔到尾點出版;思緒混亂火氣猛,唔好意思拖多晚
(附錄夢遊詩中詩*~*打救七仔夢開始)
開枝紅酒慢慢嘆,啪粒魚蛋慰孤單;愛很簡單聽成晚,拿起結他輕輕彈
睡意湧現眠番晚,夢遊詩境最夢幻;夢見詩七食緊飯;一身唐裝嘅打辦
忍住笑埋去搭訕,諗住話佢知好煩;無哂靈感點樣辦,冇見ＸＸ好多晚
究竟重有冇得摱,點知佢突然發難;俞睥俞行牛咁眼,唐朝詩人確野蠻
三句唔埋將我鏟,唔通踢親佢隻蛋;定係爭佢錢未還,諗極唔明是九但
最多哩餐我埋單,反正卡數唔駛還;冰釋前嫌算命硬,把酒言歡猜兩板
細訢大唐論江山,和平盛世前劫難;李淵父子最強橫,一門三傑兄弟班
南征北討眼唔眨,建功立業最抵讚;光音遠去一瞬間,到了傅位嘅時間
世子之位人人爭,謀權奪位惹災難;錯立世子麻撚煩,手足相殘冇得簡
自從玄武門變幻,元吉建成手腳慢;門口中伏冚包散,雙屍奇案又一單
弒兄殺弟定江山,手法確實太兇殘;機關算盡唔簡單,獨攬大權最威猛
自古明君皆命硬,登基路上膽博膽;手足額上踩住行,同根相煎心裡喊(哩幾句最得)
一將功成道無間,萬骨枯死作等閒;睇嚟靈感爆哂棚,改埋歷史繼續玩
冇哂對手就偷懶,千軍萬馬盡解散;世民天天掛住玩,夜夜笙歌樂忘返
後宮三千逐只探,不理朝野都夠膽;坐食山崩難復還,劈得酒唔夠食飯
國庫空虛怎麼辦,徵收重稅來埋單;民資民膏博命貪,唐人慨嘆意闌珊
劫禍連連催人盼,心灰未冷身先行;人丁薄弱去不返,唯有沈溺詩裡翻
出口成詩好平凡,唐詩三百求其簡;合訂一齊費事散,流芳百世係咁啱(三百首由來)
溝女搵食都咁難,詩人憔悴句句慘;唯有轉行開客棧,看盡路人折又返
福澤何時墮民間,見佢吟到超哂班;指點一下都好閒,幚我把愁來分擔
指點迷津唔簡單,不可連續吟幾晚;不可單詞走四板,句句七字眼會盲
繼續沉淪身會散,葬身字裡嘅行間;原來技窮先咁煩,唔係想像咁淒慘
看看四仔開開眼,精力旺盛好勇猛;靈感鬥志救得番,細看天下苦劫難
小小苦楚不算慘,乾坤扭轉繼續行;日光照耀我心間,夠哂鍾又要上班
**由於拉得太遠刪減左幾段,有時間會係七仔七步成詩第五集~尋詩記~入面再帶你地返古代拜訪下詩七班師兄弟:詩仙人~你好白同渡苦嗰咋或者糖八苦都得(睇故唔好博故呀!!知冇?!)~0~0~哩個時間,都係講返吹水區班兄弟姊妹先…去片!!
*~再再續~*
水鬼逐只吟番餐,叔叔份人最浪漫;像風一樣嘅美男,估波仔就最勇猛
牛大俠最多人讚,好好先生嘅人辦;偶爾蛇王逛一逛,搵番多小夠食晏
跑車哥哥唔得閒,專注學業嘅時間;約埋潛水搵唔番,多啲浦頭先至啱
圣人毛毛唔偷懶,五蚊五蚊都照頒;義氣仔女嘅典範,方方有事即刻撐
醜醜傻傻兄弟班,妙語連珠最爛玩;成日鬧交鬥一番,兄弟情深夠堅硬
芝麻糊中左機關,嫁左比只大壞蛋;變左蟲蟲救唔返,死佬日日躝去玩(粗口妹死未)
晚晚訓廳當食飯,估開波仔眼唔眨;婚前衝過上第三,婚後輸到眼坦坦
和尚潛水落左山,六日五夜日本行;宏揚佛法最強橫,救苦救難唔簡單
偶爾跌落花叢間,捉只架妹叢裡探;潛完返嚟網上行,帶埋風球吹到喊(6/24-八號風神)
琳琳蚊蚊都咁慘,家人有病咪講玩;其他野下次補番,祝福佢地好得返
無論結果係點行,世事無常冇得簡;抱頭出力盡情喊,必然之事無得慳(6/26-加)
嚐盡人間苦劫難,學會堅強繼續行;嫲嫲常在妳心間,陪妳闖蕩渡難關(要睇開d呀)
魚蛋仔最愛魚蛋,邊行邊篤當食飯;惡意灌水最在行,橫刀奪琳好大膽
窈窕淑女多人爭,論壇芳草一大班;醜醜七仔一擔擔,重整旗鼓再出更
魚蛋清哥超哂班,論壇各區任縱橫;偶爾估波博一餐,輸極都有唔簡單
相識最耐最好玩,通常潛伏睇肉板;發帖最快最搶眼,閒時也嚟吹番晚
加菲保鏢傻更更,武功高強最大膽;吹水區內打橫行,作風強硬火氣猛
追擊壞蛋唔眨眼,撲滅罪惡灌水男;三句唔埋拖去斬,最近消失風雨間
無再出現唔覺眼,唔通潛水唔得閒;定係練功未出關,聽講中毒未好番(電腦病毒)
重有小鬼一大棚,初生之犢周圍行;肥貓溝女不是男,天方夜譚笑一餐
喵喵怪就最攞膽,喵来喵去麻撚煩;扮哂蟹原來係男,嚇到七仔訓唔返
小明最近鬼揞眼,錯買威望大災難;銀行入錢變破產,變左神棍救唔返(6/30-加)
嘜Ｑ入面攝時間,溝只女友一齊玩;見埋家長食埋飯,溝女最快最強橫
好景不常最淒慘,八號風球吹就散;打回原型好孤單,一枝公再戰論壇
魚纵彤樂最抵讚,勤力出帖搵兩餐;咸湿笑话最搶眼,現場一樣確超班
恶魔仔都唔係懶,出帖出到好鬼晏;感情吹水板駁板,睇到七仔兩頭行
吖纯回帖都唔慢,愛上估波好大膽;荷Ｂ埋左魚蛋班,身受快刀唔簡單
傅說水鬼鱷魚潭,水花淺濕個論壇;新鬼舊鬼一齊玩,不知不覺第七晚
吟極唔完似災難,唔知點埋尾好煩;吟埋大王就收山,老虎份人比較懶(or最鬼奸)
間中路過逛一番,似住夠惡夠野蠻;郁啲咬人唔眨眼,有看冇回嘅典範
*To:Tiger嬲*
玩下姐唔啱聽就去打劫自己間銀行扣小七仔d銀紙喇,不過唔好扣哂喎?!我重要估波仔~下期做估波王架!!...其實係諗爆頭都唔知點埋尾,通常你一出現大家就無引走去訓,就係睇中你哩個化學作用…所以咪借你過橋囉~千其唔好禁我言呀!!最多臨尾再讚下你辛苦經營三個年頭嘅論壇又點話丫…
版版精彩確係盞,吹水波經樣樣啱;知心好友一齊行,聯絡感情免孤單
首頁在倒數時間,奧運由祖國伸辦;雀巢場館最搶眼,水立方唔係老番
祖國同胞爆哂棚,國際盛事人人撐;藍调愛國兄弟班,京奧掌聲中舉辦
擦鞋擦到天開眼,吟詩吟到喉嚨爛;搞盡腦汁好幾晚,評分謝謝唔准慳
祝賀一個好論壇,永遠經營唔會散;發光發亮最耀眼,藍調論壇此一間
詩七冒死敬上
[ 此贴被gy77gy77在2008-06-30 10:12重新编辑 ]
