小弟社会阅历尚浅 遇到个无良老细 唔知点做好 麻烦大家比下意见
上个月5月16号 我去左果度做 只系一个私人单位 啱开始做 工资好低 但我睇中嘅系果度学到我需要嘅野 佢话 头一个月出粮 要扣低一半工资先 我走嘅时候会比翻我
开始嘅时候 我觉得冇所谓啦
一直做到今个月16号 期间我请左2日假 同佢请假嘅时候 佢同意 当时仲话 唔扣工资的 而当日 佢就话 20号出粮
但系后面几日 我有事 19，21，23号需要请假 20号可以翻半昼
佢就同我讲 20号你唔使翻了 一直到24号先翻黎 出粮比你 我当时就觉得奇怪 点解佢会甘好人...
今日 出粮了...
原来嘅 扣低一半 然后再计算6日请假 啱好又扣一半...
我同佢讲 我做够1个月嘅时间 只系请左2日假 点解扣6日 佢话 规定系20号出粮 唔可以按你做左几耐计算 毒啊！！！（我后来先醒起 按佢甘讲 20号出粮 甘20，21，23，3日请假 系咪应该计落下个月度呢？ 不过我相信讲左出黎 都系唔够佢讲 佢已经成精了 唔系我呢d缺乏社会经验的小菜鸟可以对付..）
佢就话 你放心啦 你到时走 我会计翻甘多日比你 唔会呃你嘅
讲系讲得几好听....
但佢之前讲过 我地试工期过左后 就签合同
估计佢话嘅“你到时走” 系指合同期满 而唔系我依家未签合同 随时有可能走嘅情况
而且 佢仲讲过 如果你系自己走 钱 系冇得退比你...
辛辛苦苦做左1个月 先得原来嘅1/4工资 简直攞命
我想知 我走的话 有冇办法可以攞得翻果3/4嘅钱
黎软嘅话 同佢心平气和甘讲 帮佢做多几日 就辞职 不过我相信难度好大 佢已经成精了 唔吃呢一套
假如黎硬嘅话 就要反面了 但我份人好心软 比人磨几句就会屈服
唔该大家比下意见 我应该点做好 假如摊牌的话 我应该点样寻求帮助呢
