得闲打开电视睇下啲新闻 今日又话呢样嘢有问题唔食得 听日又话边个要跳桥控诉 、 呢头有人跳江救人 救完人自己已变成烈士 嗰头有人买彩票中1.8亿戴晒面具去拿奖 仲要系媒体面前得意一翻...... ， 转个台睇 又话香港奶粉比大陆人买晒要限带2罐、跟住又要特首落台..... 再夜啲叻哥又话带你叹世界 唔使做成日去玩咁先好喔 世间又有几个人可以做到咁呢？ 有时候系车上听啲师奶对话发牢骚 听落真系几好笑。车站旁边又睇到有情侣当众打茄轮，感觉几核突； 路边阿伯捉棋捉到炒妈擦蟹； 小学四年级嘅学生放学都仲要有个“桃姐”接送，有时怀疑而家啲小学鸡都唔知识唔识得过马路；小学中学放学时间私家车排队接放学果然幸福...... 世间万象有时候觉得真系好搞笑。今日你好开心咩？明天有些事情会令你好唔开心。呢个社会顾掂自己身边的人和事已经好好了，好多事情想理都唔理得咁多，人人都自求多福。
