429不一樣的...紀念日(二步曲) - 小7仔的後現代生活之越問越傷心!!
0
至從五六年前,依依不捨咁離開左佢嘅生活之後…過去嘅429都係一個好期待嘅日子或者對我嚟講係一個機會,一個直口…可以打比佢関心一下,感受下佢過得好嗎?工作順利嗎?從前認定嘅外虎外母生體還好嗎?......同亞風(即係溝左我條女嗰條投名撞)對妳好嗎!感情搵定嗎?...幸福嗎?!?
命女有時終衰有!!
命女冇時莫強求!!
真係唔知撞鬼定失去左先學會珍惜!!點解429嘅電話可以咁好傾,一個唔鍾意講電話嘅小7仔都可以傾咁鬼耐?!?次次都唔捨得收線…直到耳仔都紅哂,電話都講到冇電…諗起都覺得可悲…
曾經覺得已前同佢講電話好煩冇嘜野好講,啱啱見完重講風濕咩!!可能因為工作煩忘,冇耐性,脾氣唔好…講兩講就不歡而散,重知就皮膚太白(黑人憎)咁啦,時間證明左我只係小男人小7仔一個,絕對唔係翼都唔夠資格做個大男人!!點解當時會對佢咁差架,成日傷害左佢都重on(兩個數字,大冧把)咁,講真丫,其實冷靜之後諗番自己都知道咁樣唔啱架,但係傷害佢嘅說話唔講都講左咯, 翼都冇咩善後保救…過幾日見到面就好似冇發生過一樣,慢慢就習慣左…好似一個願打, 一個願捱咁,可能都只係自己幚自己求其搵個直口啩?!?其實當時自己嘅諗法就係想努力工作,不斷工作,只顧工作…想快d儲夠錢同佢結婚買樓比首期(當時香港銀行按揭只做七成)即係起碼要有五十萬先取到佢…比起當初同佢一齊頭五年,真係花小左心機去氹佢,小左時間陪佢去玩同傾計,溝通小左…自然距離就不知不覺間俞嚟俞遠!!同埋當自己認定就係佢(想博老命搵錢結婚)嘅時候,好魯莽咁張自己嘅諗法當成共同目標,當佢係老夫老妻咁看待,有時同埋成班friend出去玩,d…friend遲到反而責怪佢,點約人架!?!原來單方面嘅老夫老妻諗法同容忍一樣都係有個限度嘰!!都唔一定可以明白我當佢係自己人/屋企人,唔話得d朋友就成日搵佢出氣!!雖然佢處處包容我嘅無理取鬧,但係殺傷力一樣強勁…就係一次又一次無心嘅傷害,令我最終失去左曾經很愛很愛我嘅她!!
我頂!!寫下又寫下,掛住懷面過去tim…直頭離哂題!!!唔好意思喎!!唔好走住,都講左唔好意思咯,比次機會啦,睇埋落去…陪我分享下,比d意見我好冇?!?終於肯講下啱啱過去嘅429翼都係佢同我曾經最好嘅朋友結婚後第一個4月29日…電話女面嘅野…
第一件事梗係扮哂野咁,大家95搭8一番啦…亙相問下関心下工作呀,進收嗰d學業呀同埋身邊唔関事嗰d人嘅健康呀近況呀,聽講重有d以前好close嘅friend死左定係失去聠絡tim…大家都好有默契咁唔想氣氛太過..??唔知點講(重知就唔想氣氛太過監介咁囉),話哂都新婚大半年,本來想感受下佢地嘅幸福,翼都真心好想佢地過得幸福快樂….但係…
點解會咁嘰?!?同過去四五年,大家所謂嘅保持聨絡嗰一年兩個長途(時間)電話都好珍惜一分一秒好多野想講, 好多野想知, 又好多野想問…好唔同!?!?!係咪嫁左比(投名撞)亞風之後,驚佢唔鍾意,所以唔想我再出現係佢嘅生命任何一個步份!!!說時遲…那時都唔慢喎,雖然我好盡量咁搵野同佢講…好驚佢忍唔住對我講出那情深的一句?!?我發緊夢同打錯字姐!?!我驚嘅係呼顯嗰句:丫…我要去(求其是但)喎,唔講住喇…Takecare…keep in touch,再嚟過byebye!!
我keep妳個頭;touch妳條尾咩!!我清楚知道如果今次就咁樣收左線又要等多十個月(因為我2月佢4尾生日)先再可以有直口同勇氣打比佢…好擔心,點解會咁架,我自問再無亂諗野只係重有小小掛住,好想知道同肯定佢得到幸福,生活得好愉快姐!?我冇諗過又冇試途或企途講出/做出一d破壞佢地任何野嘅說話同動作!!想知嘅冇問;想問嘅冇講;想講嘅又冇勇氣!!!點算好呢??咁樣落去唔掂嗰喎!!終於我都忍唔住啦…唧左?!....一次過唧左!!??......一堆我最関心最想知嘅問題出嚟…???
妳同亞風點呀?!佢對妳好嗎?!結左婚後生活係咪唔同哂呀?!?佢比(心諗:我以前)結婚之前更加愛護妳嗎?!?兩個人展開嘅新生活,係咪一定遇上好多問題呢??(自答:一定係,要耐心d解決問題…唔好為小小野…{例如:煮飯,汁屋,洗三}鬧交喎,傷到感情就唔好啦!!)…大家淨左一陣…我計續:亞風(佢做冷氣機嘅)份工點呀?!有工開嗎?!?收入搵定嗎?!...佢計續冇反應,我開始有d後悔,佢都嫁左人咯…我係咪有d過份唔應該再関心佢哩d野呢?!?,令佢誤會我有d咩企途呢?!?
從佢由深入淺出到有入冇出嘅節奏再加上變得俞嚟俞沈重嘅呼吸聲..彷彿千言萬語,但係欲言又止斷斷續續!?!連時間都好似為我地突然嘅相對(用電話)無言而停留…等待緊海兆火山爆發一樣!!!好得人驚呀!!!我個心都比佢搞到實哂,不過哩個時候我可以肯定佢重响度翼都冇訓著覺.
大約過左一兩分鐘到,我超級擔心,但係就扮哂無知同鎮定咁再同佢講:係唔係我真係講錯左d嘜野呀?!妳唔想講可以唔講…其實只係當妳係我自己好関心嘅朋友,想知道妳嘅近況,開心唔開心都想知,我唔介意只妳當我係錄音機又好,觀音兵都好啦!!只要妳覺得雖要我..只要妳想講,無論幾時我係邊度我都會聽或者即刻出嚟…講到哩度佢終於肯開口話比我知…結婚後哩段時間同亞風發生左咩事,有咩問題…
問題一…
原來當初同亞風結婚嘅理由,係因為亞風屋企比嘅壓力…重話亞風個妹有左,話唔想爬頭,所以亞風老母要佢地結左婚先!!(心諗咁都得?!?)跟住亞風個妹又唔要落埋個BB重同條仔分埋手tim,但係佢同亞風湊備緊嘅婚禮就計續約!
*
可能係因為通知哂d親戚朋友啩,所以冇理由取消啩!!同埋結得婚應該係兩個人嘅事,諗清諗楚先決定嘅,咁佢地都拍左成五六年拖咯,想結婚都好正常丫, 亞風個妹單野可能只係佢老母迫佢地快d結嘅直口嚟姐!!我都冇追問落去,因為過去果幾年一直都知佢地重拍得好好地,自己都想見到佢地有個好結果,重知唔想佢地唔開心分手收場!!
問題二
由於佢地都有野做,婚後就買左曾樓,可惜就住係亞風個老母附近,成日失驚無神…成屋都係人!!佢老母重成日自己上去,話幚手做家務喎,但係一方面就責怪佢放工番到嚟就嘜都唔做,屋又唔汁…飯又唔煮,煮又煮得唔好食…食完D野又唔即刻汁,即刻洗!!!
*
重知就同亞風老母唔係好啱咁,覺得成日比人鬧!!曾樓重係佢出大部分錢供緊.可能因為我舊女友,學歷同搵錢都多過亞風一節,我個人認為只要亞風對佢好,嫁得比佢就遇左要捱都唔緊要,決定買樓都係因為頂…佢老母…唔順姐,最不智只係橫樹都係避點解唔搬遠D丫,有時放得工嚟我係男仔同家姐住,都唔係餐餐自己煮啦!!!
煮野食唔難,但係放得工又要趕去街市,買得嚟煮完食完亞風又唔領情,遂樣彈…好喇食完重要洗碗真係幾慘架…我聽佢講嘅時候,真係有d心痛嘅感覺…我梗係扮硬淨啦!!重係咁安慰佢,話好明白佢嘅柱景!!因為我家姐都經歷個,佢之前個男朋友又係死剩彭牙遂樣彈嘅賤精一名,所以我如果放工放得早…我會去街市買野煮飯,可能我鍾意煮野食,所以煮得唔錯,直頭靠得住啦,同埋我煮嘅佢都唔好意思唔夠膽彈啦,唔驚我毒(一個數字,大冧把)死佢呀!!…哈哈!!我頂…講講下又離哂題tim…好似挑戰緊你地嘅耐性喎!?!
**
最新消息…
係問題二解決左,佢亞風老母賣左本來住緊果度,搬鬼埋去新屋度住!?!?咁大鑊!?!?好彩肯比番廿幾萬首期佢地,而佢地就再搬走左,今次醒目喇搬遠d…一搬就搬左去對面海!!!同埋今次係租地方住,對佢嚟講可以離開唔錫佢鍾意搞風搞雨嘅奶奶遠d係好事…但係…顯生左唔小問題!!!
問題三
亞風老母張佢地一齊儲到嘅首期就擺左係亞風度,話愛嚟租地方住…什麼樓價升左好難買第二度喎!睇定d先好做決定喎!!由於搬遠左唔洗成日見面,只係馮星期日飲下茶同是但一晚返去食下晚飯,不過真係佢老母丫,改變策略…成日追問佢地幾時生小朋友,重失驚無神去中環搵我舊女友食中午嗰餐,話搵佢有d野傾喎!!見親面都係不停叫佢追佢比壓力佢要生就親後生快d生個男孫比佢湊下喎!!!
*
我覺得佢好委屈,好受氣!!!但係努力咁控制自己嘅情緒,因為宜家我同佢免強嚟講只係一年講兩三個電話嘅所謂朋友,重同亞風講好說話…但係始終都有d激氣咁問佢…
宜家咁咪同當初決定買樓結婚,諗住辛苦小小都起碼叫做有個屬於佢地自己嘅竇口有d出入囉?!因為如果當初只係話租屋住唔買樓,就冇必要成受咁多委屈同咁快要決定結婚,問佢有冇好好咁同亞風傾過?!?宜家即係點呀,點可以比到信心佢一生一世?!遲早係自己嘅屋又冇埋,點樣面對要唔要/幾時要小朋友呀?!點應付佢老母不斷嘅抱孫轟炸呀?!
正當我暗地女,淨悄悄咁為佢難過嘅時候,佢突然喊埋出嚟!?!
講出最大鑊嘅問題四~就係已經覺得冇哂希望冇張來!!
*
由於佢搵錢多d首期嗰廿幾萬當中,居然有十八萬係佢自己死慳死低儲返嚟…之前供樓又供大份,都只想同鍾意嘅人組織個小康之家,盡快搞掂供哂或者儲到舊錢夠未來五年幚到亞風供樓,就可以有條件要小朋友,聽到佢咁講都好感動,從前傻更更…任勞任怨嘅傻妹,原來不知不覺間長大左喇,分分鐘比小7仔同亞風更加識諗,突然覺得亞風取到佢真係好幸福,令我飛非羡慕(佢做緊嘅野…我之前都做過,曾經好比心機工作搵錢…想同佢有過安樂窩,可惜未到呢日佢以經愛上左亞風)…同佢傾到哩度,我就梗係發揮我堅強嘅一面,安慰佢…叫佢唔好傷心,唔好喊啦!!!
其實我從佢喊嘅時候開始,眼淺嘅小7仔雙眼已經不受控制,開緊水喉~感覺就好似交多左水費咁!!人世間…最催淚嘅?!?絕對唔係催淚彈,原來係唔可以喊出聲…重要安慰一個動心(或者曾經動心)嘅人唔好喊!但係點解冇嘜效果嘰,唔通越問真係越傷心嘰?!? 越喊重越勁tim?!如果佢地重係兩過人一條心,咪從頭嚟過囉,再儲多小小/大舊d錢,重可以再搵過第二曾好d嘅樓架喎,點解佢會話對亞風冇哂希望唔會冇張來嘰?!...我叫佢去洗個面,去飲杯水先...我會係電話到等佢番嚟計續講…等左好耐… …佢開始冇喊得咁西利,就話”好,重叫我唔好收線,要等佢”…親佢一放低電話,聽住佢行開左…我就梗緊即刻…??去做同佢一樣嘅野啦,去洗個面處理一下我嘅淚流滿面,順便飲番杯水保充一下大量流失嘅水份(當然我緊係較左快鏡,用最快嘅速度完成),等佢番嚟啦!!我重利用佢未返到嚟嘅時間,組織一下之前諗過嘅野…想好好安慰到佢,真係好唔想見到佢地搞成咁…
佢終於都返到嚟…正當我叫緊佢唔好亂諗野…諗到咁灰!!幚亞風講盡好說話~比多d時間同亞風坐底,好好重新計劃下重爭幾多錢?!點樣可以快d再買過第二度嘅時候…佢又喊過,喊得好妻厲咁同我講…頭先嘅傷心,唔係亞風唔幚佢…好似過去嫁左之後哩9個月好委屈,比奶奶蝦得好慘…屋都讓埋比佢老母,租屋都租遠d咯,重可以點丫(歇斯底里咁喊)…我都唔好意思叫佢唔好喊,只好陪佢一齊喊…叫佢盡情咁大哭一場會舒服d…點不知…???佢真係撐大喉嚨咁喊,彷彿d聲音穿俞維多利亞港,不知不覺間嚟到現場一樣…終於講埋佢地之間到底有d咩野障礙係冇得返轉頭?!?點解冇哂希望?!?
問題五~亞風唔生性
原來佢老母一直話比返d錢佢地,係直至過完年…分幾次咁轉落亞風户口…就從嗰時開始亞風就成日唔返工,最初只係意圍佢做冷氣,通常過年前好好生意!!過年後就係淡季??又過左個零月…亞風依然固我,唔願返工!!得閒係屋企又唔幚手做下家務,剩係掛住打機同上網?!連晚餐都要等佢放工放埋學買埋番嚟比佢食…雖然都槽過,但係由於唔想傷到佢嘅自尊心,意圍佢真係冇工開?!都冇辦法!!唔想傷到大家感情,就死忍爛忍~唯有計續忍!!!整整下重夠膽死叫老婆幚佢交埋租tim,意圍佢懶姐,落一落街去銀行過數都慳番!!跟住重要不了了知,果下懶皮丫嘛!!隨住佢每一句說話,又喊一陣…我個心真係!真係!!真係覺得好很7痛!!終於知道咩叫做飛筆默所能形容喇!!
直到上個月有一日…舊女友雖然有d唔係好舒服,都照常返公司努力工作!!但係食完午餐就因為頂唔緊,所以請左半日假,返屋其休息,唔返由只可…點x知一返到去比佢發現亞風同佢老母無拿拿過左嚟!!重一齊係度炒緊估票!?!追問之下…知道左亞風居然張佢老母還返比佢地果畢錢用炒估票,重要輸得8899!!!雖然果日佢真好唔舒服,得番半條(最多都係大半條)人命本來重意圍可以好好休息…點知重狠狠咁鬧左鑊勁嘅!!重比佢地兩母子夾攻…張責任推落我舊女友身上,話點解要學人炒估票?!?都係想搵d快錢?!?可以第時生活過得好d!!有左錢就可以買番曾樓住?!?可以快d生小朋友!?!...根本就冇理過佢感受,重要用d分明直口嚟傷害佢!!!我終於明白點解生日流流可以喊得咁盡!!
從果日開始,舊女友就冇點理過亞風,分開房訓唔比佢掂!!到宜家重係好傷心唔知咁身苦努力工作為左d嘜!!,係哩d時間,我雖然好想再打個電話関心下佢,什至想約佢出嚟陪下佢!!但係如果比亞風知道左,一定誤會我地又借題發揮,真係唔想佢再受到任何傷害!!已我同佢咁監介嘅身份,除左陪佢大哭一場!!根本唔知重可以為佢做到d嘜野呢?!到底邊d應該做??可以做???我都搞唔清!!!
足足十日!!今晚係第十一個日夜晚…近哩幾晚我都訓唔到,好內疚好內疚…眼看好似唔関我事,但係我恨自己點解唔一開始就對佢好d!!如果可以再嚟一次…我同佢都會一樣咁開始,一樣咁分開!!
如果可以時光倒留…我寧願無識過佢,因為由頭到尾無識過我,就一定唔會比佢識到我曾經嘅好朋友(即係佢宜家嘅老公亞風)
比一種唔知點講嘅內疚折磨著的小7仔敬上
|
