“放手，放开所有，彼此更自由，放手，其实你绝非爱得不够……”
其实你嘅遭遇同我之前都有D好似，我之前都系经过介绍识过一个女仔，我每次约佢（都系我主动），佢都接受，包括圣诞、情人节等节日，我地亦都有共同嘅一样嗜好，呢个亦几乎系我地每次见面或者QQ上谈论嘅话题，而每次我问佢我地可唔可以发展，佢都闪烁其词，最后佢嘅回答系，我地可以尝试拍拖3个月，因为依家对我仲系无感觉……到最后，我坚决放弃左，因为我知道再继续落去嘅话，最后受到伤害嘅一定系自己。
个人经历，仅供参考，因为感情毕竟系两个人嘅事，旁人比咩意见都系多余嘅，如果你真系中意佢，你可以继续去争取下，最好就系直接问清楚对方嘅意思，如果对方真系有意思，想继续发展落去嘅，咁咪继续咯，大花洒呢D嘢，当佢感觉到生活压力嘅时候，就自然会收敛噶啦，毕竟结婚后，大多数女方都会变得珍惜男方银包嘅，小数例外。
所以，当前最重要嘅，当然系要知道对方真正嘅想法。
