萝卜头
萝卜头，点豉油，点得多，咸过头，点得少，淡谋谋。佢以为，好正斗，点不知，俾人踢罗柚，一踢踢到西门口。

排排坐
排排坐，吃果果，猫衣担凳比姑婆坐，坐烂个屎忽，唔好赖我，赖番隔离个二叔婆

斗柑
“篾”开柑，数柑核，边个核多就边个赢，吾准手赖就甘缩骨。

拍大骳
拍大骳，唱山歌，人人话我无老婆，嘀起心肝娶返个，有钱娶个娇娇女，无钱娶个豆皮婆，豆皮婆，食饭食得多，屙屎屙两箩，屙尿冲大海，屙屁打铜锣。

凼凼转
凼凼转，菊花圆，炒米饼，糯米团，阿妈叫我睇龙船，我吾睇，睇鸡仔，鸡仔大，摞去卖，卖得几多钱？卖得三百六十五个仙。

猜呈沉
呈沉剪，呈沉包，呈沉糯米叉烧包。老鼠吾食香口胶，要食豆沙包。

伏垒垒
一就预备，二就垒埋，三就开盘，四就嚟到，彭到算数。

捉大贼
点指兵兵，点着谁人做大兵，点指贼贼，点着谁人做大贼。

估手指
估手指，要估中，边个吾中，就吾中用，裤浪底见个窿。

点虫虫
点虫虫，虫虫飞，飞到荔枝基，荔枝熟，摘满屋，屋满红，陪住个细蚊公。

骑牛牛
骑牛牛，牛牛走，牛牛响前咪回头，若然回头就打箩柚。

打波子
大眼鸡，咸鱼头，你屙尿，吾洗手。

咕碌咕碌
咕碌咕碌一，咕碌咕碌二，咕碌咕碌三，准备开炮打敌人！

跳橡筋
董存瑞，十八岁，为国牺牲炸堡垒，炸到堡垒咯咯脆，全国人民流眼泪。

碌铜仙
碌铜仙，打铜钱，全凭眼界手出变，叮响铜钱俾个仙。

打泥炮
打泥炮，泥炮响，吾使揸枪上战场。

飞麻鹰
折纸机，麻鹰飞，飞来飞去吾落地，麻鹰有条尾。

踩脚趾
咚啄，酸姜，你阿嬷，缠脚娘。

趿跛跛
趿跛跛，跳跳脚，咚咚咚，上跳下跳似麻雀。

撞跛脚
趿跛跛，跛佐蹄，无米煮，煮泥沙，无屋住，住楼梯，楼梯有只鬼，吓到你钻落床下底。

顶手掌
伸长手，顶手掌，死人都要顶硬上，依牙崩哨就猫甘样。

劈友
劈友，劈友，快嘀走，走得快，好世界，走得磨，无鼻哥。

斗远
斗远掟石头，因住咪甩手，石头最无眼，掟亲吾好眼泪流。

掟砖头
掟砖头，斗大够，一掟掟到西门口，溅起浪花抛浪头。

捞鱼仔
花手巾，真引人，基边捞鱼好过瘾，一兜一条好手运，千其吾好牟（蹲）到头晕。

黐塘尾（蜻蜓）
黐塘尾，塘尾飞，飞到菜田基，田基有条蛇，吓亲你两仔爷。

落雨大
落雨大，水浸街，阿哥担柴上街卖，阿嫂出街着花鞋，花鞋花袜花腰带，珍珠蝴蝶两边排。

落雨微微
落雨微微，水浸田基，田基有条蛇，吓亲大老爷，大老爷有支枪，吓亲大姑娘，大姑娘有粒糖,，吓亲国民党。

点虫虫
点虫虫，虫虫飞，飞到荔枝基，荔枝熟，摘一仆，荔枝生，摘一蓝

暧姑乖
暧姑乖，嫁后街，后街有鲜鱼鲜肉卖，又有鲜花戴，戴吾晒，摆落床头卑老鼠拉，拉拉拉，拉去大新街，大新街又有个扯皮鞋，扯下开，又扯下埋。

咬蔗须
咬蔗须，要睇毛，短毛输，长毛赢，无毛吾算数。

月光光
月光光，照地堂，虾崽你乖乖睡落床，天朝阿妈要捕鱼虾罗，阿爷看牛要上山坡
哦哦哦......
阿崽你快高长大罗 帮手阿爷去看牛羊
哦哦哦......
月光光，照地堂，虾崽你乖乖睡落床，听朝阿妈要捕鱼虾罗！ 阿嫲织网要织到天光
哦哦哦......
虾崽你快高长大罗 “橙”艇“杀”网就更在行
哦哦哦......

月光光，照地堂，年三十晚，摘槟榔，槟榔香，买子姜.子姜辣，买菩达(苦瓜).菩达苦，买猪肚.猪肚肥，买牛皮.牛皮薄，买菱角.菱角尖，买马鞭.马鞭长，起屋梁.屋梁高，买张刀.刀切菜，买锣盖.锣盖圆，买只船，船沉底，浸死两个番鬼仔，一个浮头，一个沉底，一个摸慈菇，一个摸马蹄。

肥藤藤
肥藤藤，脚震震，买旧猪肉去拜神、行到半路PagPag痕，去到神庙四围藤，返到屋企口痕痕，食完猪肉变瘟神。

肥佬肥藤藤，买旧猪肉去拜神，行到半路屎忽痕，翻到屋企冇晒人，打开痰罐有敌人！

画乌龟
乞儿仔，画乌龟，一人一笔咪乱嚟，最后果个人衰仔！

煮饭仔
煮饭仔仔先落米，风炉透火柴对齐，千其唔好咁拿西，我哋系细蚊仔。

打马仔
一人骑角马，两人骑猪乸，三步要埋头，撞到面就打。

斗辣椒
红辣椒，绿辣椒，平时你镲嘴藐藐，今日你无胆同我撩。

放臭屁
鬼叫你甘贪心，闻佐我个屁，索入佐个鼻，我要你赔返二两四。

味水底
味水底，摸泥沙，摸到泥沙当金龟，摸吾到系契弟。

钻台底
陈德贵，住得矮，床下底有只鬼，吓到佢钻台底。

扯大缆
一二三，三二一，肥婆跳舞顶第一！

“雪”滑梯
细蚊仔，雪滑梯，因住跌落嚟，咪学陈德贵，成日流鼻涕，跌亲个箩柚唔好睇。

过天梯
过天梯，虾矮仔，人在云东过到西，唔怕米贵就最怕矮。

做大戏
黑面李逵，红面关公，三国水浒乱晒龙，打败清兵系英雄。

弹象棋
打棋子，靠眼屎，全凭眼界靠本事，唔好睇错认够屎。

鸡公仔
鸡公仔，尾弯弯，做人新妇甚艰难。早早起身都话晏，眼泪唔干入下间。下间有个冬瓜仔，问过安人煮定蒸。安人话煮，老爷又话蒸，蒸蒸煮煮唔钟意。大喳嚹盐佢话淡，手甲挑盐又话咸。三朝打烂三条夹木棍，重话：咁好花裙畀你跪到烂，咁好石头畀你跪到崩。横又难，直又难，不如舍命落阴间。人话阴间条路好，我话阴间条路好艰难。

坐頭位！！！！好野！

好经典~好多都未听过！

陳德貴係乜誰？

a big fool,with a gun,go to war``~!!

得吖！！！！！怀念！！！

以前细时候成日都会讲，