喜欢摄影，因为需要遗忘；喜欢美食，因为需要快乐。
住在城市，忙乱的生活麻痹了触觉。偶然惊觉周遭，落寞的背后仍是精彩喧哗。

【以下观点传闻，仅是市民个人主观意识，不代表任何立场。如有冒犯，敬请贻笑置之。】

再由南边（天母蓝鸟咖啡厅）的街面，东往西一直顺序，开始：

天母蓝鸟咖啡厅－高“贵”物语
TEL:020－84488559 84488528
地址：江南西路19-21号二楼
【江湖传闻】：台湾老板开店，装修环境就绝对高档。大排档的出品＋大餐厅的环境＝大酒店的收费，～才显得您“高贵大方”！
例如一份“最普通商务”套餐：粟米汤（原来真系有粟米o架）＋铁板煎鸡扒（伴边有一个太阳蛋和一朵西兰花，件鸡可能跟杨利伟上过太空～好轻飘飘o架）＋咖啡（唔知乜叫特调）＋一小份水果（可能伊拉克空运来的～）＝78/元
有分吸烟区和非吸烟区。扒类5x～7x元/份，x咖啡3x元/杯，x花茶3x元/壶，柠茶22蚊/杯；续杯唔该＋10蚊啦～甘高档环境唔收你高“贵”价格你都唔好意思啦～
如果去厌仙x林，觉使钱使得唔爽，甘就随时欢迎你去试试～清香纯嘅茶与啡，普通味道嘅精致食物，标准嘅服务质量～“高贵”收费标准，包你终身难忘！
ps：西方习惯，情侣平时去西餐厅系好少点套餐嘅。只在喜庆嘅节日，餐厅会推出应节特色的套餐并附送鲜花与红（白）酒。我在猜算江南西有几多高级写字楼，有几多成功人士在蓝鸟吹水？所以“最便宜”嘅无特色商务套餐，情侣仔你们会点吗？

美心西饼－“吃你唔病”
地址：江南西路19号（天母蓝鸟咖啡厅）楼下
【江湖传闻】：好睇唔好使兼贵夹唔饱。

银记肠粉－豉油“爽过”粉
TEL:020－84494621
地址：江南西路19号（天母蓝鸟咖啡厅）楼下
【江湖传闻】：“布拉肠”曾经的中华名小吃。一群懒散的老员工在装修后好似辉煌的店面招牌下，不思进取地“拉住”果张叫“吃老本”嘅肠粉布。除左特调嘅豉油系特别D之外，其它早而失去昔日西关浓浓嘅风情美食味～虽然还是值得一试广州名小吃。4元/碟肉肠，唔多饱^_^
ps：后面有江南西三大肠粉店评试，留意哦～

绿茵阁咖啡厅－街坊西餐“大排档”
TEL:020－84242693
地址：江南西路23号2楼
【江湖传闻】：西餐“大排档”系话佢收费响西餐厅嚟讲算抵。由当年西湖路上的一间小虫格式小店打拼到现在全国连锁，仲开到好似7－11o甘“总有一间响左紧”～服未。环境舒适但座位有D逼，标准服务，仲有人弹琴伴你进餐。最爱香滑“牛仔骨”扒跟黑椒汁，4x元/碟，嚟多个牛油意粉伴边，想起都流晒口水啦。推荐下午茶餐18元/份，一杯饮品加一份主食，好抵～下午同埋晚市九点后呢两个时段都有。
下午时分懒洋洋坐响窗边位叫个茶餐，睇下对面嘅人响时尚基地拣衫，或者见下路边走鬼，都几搞笑同写意o架！
ps小贴士：中餐腌（牛）肉类会落D黄酒，D肉类会爽滑。（中式）西餐腌（牛）肉扒类会落D美极豉油，令肉类更爽滑美味（x家乐快餐嘅扒类亦是）。因此，唔识入厨又想整D菜式俾喜欢嘅人食嘅各位，你只要记得识运用“美极豉油”呢招，就无敌了～哈哈～。

佳叔汤圆王－南方汤圆王
TEL:江南西店020－84494394 84498084 前进路店020－89010150
地址：江南西路41号之8
【江湖传闻】：基本糖水汤圆价格系5～7蚊/碗，堂食环境麻麻地，街坊叫外送就好过自己煮，始终广东人饮多D糖水与汤水最养颜有益。

HOMEWARD虹碗快餐－“不伦不类”快餐店
TEL:020－84427480
地址：江南西路63号
【江湖传闻】：类似“大西豪”类快餐厅。无特色、唔出色、食左等于无食；等吃上菜速度慢，埋单收钱速度快。鸡、鹅、鸭、扒类碟头行政套餐15元/份，有菜有汤。肉眼扒68元/份～日本肥牛肉炒饭20元/份，芝士焗西兰花，沙律～散餐基本价钱都系二十蚊以上一份菜式了。要减肥胃口细嘅女仔就啱份量，不过唔一定啱口味～^_^。

仁信双皮奶－“不类不伦”杂餐店
地址：江南西路63号
【江湖传闻】：披着中华名小吃嘅旗号，双皮奶系镇店招牌，但系好似点都跟唔上“南信双皮奶”嘅味道。店堂光亮宽敞，食品五花八门：糖水、炖品、雪糕、煲仔饭、陈村粉、牛三星、萝卜、牛腩～～～收费中上，味道中下。

“匠味工房”无国界料理－掠你过界唔使理
地址：江南西路71号二楼
【江湖传闻】：唔好以为餐厅环境舒适就系有好野，听过“江南西两大屠场”吗？这是其一。
白开水3元/位，无功夫嘅功夫茶5元/位，唔知有无落奶嘅奶茶8元/杯，
三文鱼刺身38蚊/斤～连骨称啊＝10片“灯影三文鱼片”（薄到睇到人影，都几考刀功～）。其它菜式有兴趣的自己去睇睇。（睇下好了！）
傻下傻下嘅服务水准，乌下乌下嘅上菜速度，抢下抢下嘅收费价格～
有乜系好？？？好安静咯～～～^_^。

“韩苑”韩国宫廷料理－“高贵料你”
TEL:020－84241983
地址：江南西路“匠味工房”旁边路口入几米右边就是（正骨医院条路）。（我忘写下了）
【江湖传闻】：服务环境同用具跟足韩国款式，亮丽。泡菜系韩国国粹，空运到广，三款小菜选一免费试吃：泡菜、青瓜、莲藕片（得好少好少）。
一个泡饭＋一锅韩汤锅＋一串韩式烧烤＝2xx元/一人份（三岁小朋友都唔会饱份量）
ps：我去斋睇下都吓出一身冷汗，唔好话想吃了。有边位“公子”吃过，噏下啦～^_^。


锦胜粤菜酒家－街坊饭堂之一
TEL:020－84258689
地址：江南西路“匠味工房”旁边路口入十几米右边就是（正骨医院条路）。
【江湖传闻】：“街坊饭堂”当然够便宜啦，9元/碟～20都有。粤菜锅气小炒至乳猪全体都有，三两知己麻甩佬“队啤食烟栋高脚”都得啊。

新泰乐新派粤菜馆－金牌黄鳝煲
TEL:020－84400711 84411711
地址：江南西路93－99号1－4楼
【江湖传闻】：冰镇膳、黄鳝煲都系招牌菜，咸蛋黃炒蟹都值得一试。环境出品收费属中上，服务中下。有人笑称系“三星收费嘅大排档”。

丰盛士多麻辣烫－麻辣烫味道独特
TEL:020－13711221020
地址：青柳大街。天乐富林酒店（新泰乐菜馆）旁边路口入几米右边就是。
【江湖传闻】：做麻辣烫做到可外卖送，都几巴闭。菜1蚊，肉2蚊，点样味道独特法就要你试过先知了。平时踎响佢D凳仔到吃麻辣烫，队下啤酒睇下周围D型男索女都几栈鬼o架。下午先开档到凌晨3、4点，甘多年都好旺。果到有只叫“山水牌子”啤酒，10蚊3支，唔知好唔好饮呢？哈哈～

生力强面家－鲜虾云呑竹升面
地址：青柳大街23号。天乐富林酒店（新泰乐菜馆）旁边路口入十几米左边就是。
【江湖传闻】：鲜虾云呑、手打面、牛三星都系招牌。云吞面8蚊/碗。地方好细，收费几贵。十几二十年嘅老字号，响新潮嘅“五宝云吞面店”冲击下，已显得日渐息微～

199吧－酒杯上的书屋清吧
地址：青柳大街25号。生力强面家旁
【江湖传闻】：当年的“海鸟”BAR～环境虽小，唔受困扰。清幽安逸的小酒吧内免费提供睇D市面少有的漫画同埋书（最低消费10蚊），系专门饮红酒或桂花香茶嘅清吧。亦系江南西仅余两间清吧之一（曾经有收费好抵嘅红酒派对～）。现已改号了，唔知果个热情青春靓丽爱旅行嘅老板娘仲响唔响到呢？

永隆食店－烧鹅濑粉
地址：江南西路103号
【江湖传闻】：当年做“走鬼档”时与“华辉”堪称“左青龙右白虎”，果段人行道上都系摆满佢地嘅台凳，抢客好似抢亲o甘。现在企业化了，连D烧鹅濑粉都企业化卫生好多，环境亦靓好多，味道亦保持。几蚊到十几蚊嘅粥粉面饭都有，可以尝试。

华辉面店－港式茶餐厅
TEL:020－84232561
地址：江南西路107号
【江湖传闻】：除左中国“四大发明－粥粉面饭”，汤水糖水炖品雪糕仲做埋西餐。几蚊到几十蚊，包罗万有～。3酱肠粉、鲜虾云吞银丝面、肠粉～都值得一试。无需多讲，一个字讲晒：“掂咯”。
ps：江南西三大肠粉店评试－银记、真美味、华辉
“银记” 布拉肠，4元/碟。肠粉有D“削”，唔算爽口。豉油几好，环境中等。
“真美味” D肠粉肉较多，肠粉口感好过“银记”少少，又及唔上“华辉”少少。环境一般（一边吃一边会听到员工讲粗口～）
“华辉” 4元/碟，D肠粉几爽口，但D肉就唔够“真美味”多。环境较好。

洞庭土菜馆－湘菜正宗
地址：江南西路111号
【江湖传闻】：装修与出品几有湖南特色。湘菜属干辣，菜式对广东人嚟讲唔算丰富。未试过湘菜想试嘅就可算嚟呢间试试。中高消费。

ROSE·MARY露斯玛丽西餐－自助餐K歌廊
TEL:020－84439547 34400128
地址：江南西路青葵大街13－16号
【江湖传闻】：唱K食buffet，午市25元/位，入房都系计每位（你唔吃都要计钱）。食物品种算可以，仲有寿司，汽水任饮。有两间装饰特别嘅主题房，不过D歌更新好慢～o甘嘅价钱算系o甘o架啦。
ps补充：“ROSE·MARY露斯玛丽西餐”－凭身份证生日果位免费，不过要三个人或以上就餐。
“拉丁餐厅”－亦系凭身份证生日果位免费，有蛋糕送，又有巴西乐队同你唱生日歌，气氛好好!任饮任食两个人一晚约60蚊，其中有花旗参炖竹丝鸡、花胶炖竹笙，仲有D三文鱼限时限量供应，超值。不过睇唔到块指示牌嘅话就会错过时间食唔到了～^_^。
【引用食版网友，谢谢！】

辣田鸡－“好野味”
地址：江南西路落宝业路三十米左边。
【江湖传闻】：香辣田鸡28蚊/斤，食过都话正。不过最好睇住佢秤～
ps：建议大家吃少D有益动物，大自然已经失去平衡了～呜呜～

百汇美食－拿手烧蚝
地址：宝业路12号
【江湖传闻】：斋睇左右两个招牌就知烧蚝拿手啦～不过我未试过，不予置評。边位“公子”试过，噏下啦～

骏辉咖哩茶餐厅－正宗香港风味
TEL:020－84423438
地址：宝业路3x号
【江湖传闻】：香港人返嚟开嘅咖哩餐厅好味又抵吃，落料足D汁又好鬼香。10～20蚊/碟咖哩饭＋支1蚊汽水，吃完好似去左印度o甘啊～哈哈！一楼店面就细D，二楼就宽D。仲有个咖哩杂锦海鲜火锅，3x元/锅，两个人叫多个白饭，饱到呕啊～～～街坊消费，值得尝试。无需多讲，一个字讲晒：“掂咯”。

得记潮州菜馆－正宗潮州菜
TEL:020－84375468
地址：宝业路4x号
【江湖传闻】：斋睇门面牛o甘大只砂锅粥，就值得去试试乜叫潮州o野啦。无需多讲，一个字讲晒：“掂咯”。中等消费。


淇乐多－特色粤菜馆
TEL:020－34019200
地址：宝业路与荔福路口
【江湖传闻】：地方细细，味道啱使，中等消费，值得尝试睇睇。无需多讲，一个字讲晒：“掂咯”。

鸿记美食－特色私房菜
TEL:020－33306383
地址：荔福路13号之10。（宝业路与荔福路口）
【江湖传闻】：老板兼大厨：曾经响广州酒家做过烧腊师傅，响中国大酒店做过粤菜厨师～出品肯定就掂。睇似简单的食物做法却好讲究。
烧烤类嘅“鸡翼包”，底部去骨嘅鸡全翼内包住木耳、甘荀丝、沙葛～入完焗炉再去炭烧，色泽金黄外脆内爽。4元/只，吃两只都饱晒了。
烧牛柳同秋都鱼都几正，3蚊/条，仲有“ＷＡＳＨＢＩ”酱点。仲有烧排骨、蒜香包（有蒜容或香草食法），烧生蚝（有3蚊/只，有成20蚊/只北冰洋生蚝，要订）吃唔吃得出有乜唔同就见仁见智了～
“炭烧盐焗虾”，锡纸铺铁盘面，再放海盐，将挞晕左嘅鲜虾埋入其中，入焗炉短时间再放到晒炉照烧～出餐时老板成盘拎到你身边，当住你面逐只逐只虾从盐堆中夹上嚟，一边夹仲一边与你吹水（卫生应该无问题^_^）。呢个需要提前一天电话预定，海鲜照市价。我大约记得我果次整好上台40蚊/斤。
冬瓜盅约70元/盅，成个冬瓜挖空，入面炖有D海鲜、鸡～（我净系见隔离台吃，我就未试过）。呢个需要提前一天电话预定。
真系金牌烧乳猪，168元/只，适合一家大小或公司聚餐。呢个需要提前一天电话预定。
仲有好多古灵精怪嘅美食与小炒，烧烤就几蚊，小炒就十几二十蚊啦，值得尝试睇睇。地方有D细，得七八张台。
ps：D川菜师傅可能换左人了，水煮鱼无以前o甘香了～作为私房菜形式，消费高低就自己把握了～^_^。

暂时到此终结～多谢晒大家发帖留言，多了解多分享。【如有冒犯，实属无心，多多包涵！！！】

只愿今日美味食物的快意驱散昨日淡淡哀伤的愁丝～

都係你好嘢~！不过我都食云啦~！我公司就係南岗隔离~！

不过有几间已经执咗啦~！麻烦更新下~！

好介绍，但系咪发去美食版会比较合适呢？

有无D大众化噶价钱呢？？？？呢D甘高贵噶野稳悟到有好吃噶野~

乐乐几时请我食呢

下次經過一定去..

ms很好吃的样子，一定要试过撒

好多美食啊

乐乐，少讲咗喔，系宝业路同工业大道中交界左右的位置有两间正嘢都无讲：

首选面：正宗鲜虾云吞面，果然是好鬼正宗，基本上除左云吞同面之外就已经无其他嘢了，一碗面就大约有2/3个面饼咁多，6蚊一碗，鲜虾云吞4只。大碗的是10蚊，有4/3个面饼咁多，鲜虾云吞6只。就是个汤几好味同个面身都几弹牙。如果想试下正宗云吞面，哩间无选错。

华记拉肠：大家唔好以为是华辉，嘉因我问过个老细，佢话佢叫阿华，唔关华辉事。成间茶餐厅噶格调，胜在啲味道都比较好，价钱唔贵，嘢食均真，坐落舒服，仲有歌听下添。如果你系学生，仲可以买一个餐送你一支汽水。

没去过...
点解好似系度卖广告加！！