1.玩米缸，将手插入米缸嘅米里面笃下笃下。
2.喺百货公司入面笃扶手电梯旁边嘅牌。
3.地下有阶砖时，特登隔一格一格行（唔可以踩界，要完全喺格内）。
4.用手表面反射阳光，照黎照去。
5.跳楼梯（愈多级愈劲）。
6.行路上高起左地方（例如高起左既长条型石博）
7.铺张纸在硬币上面，然后用铅笔系上面油，油返个形出黎。
8.食完瑞士糖之后，将糖纸包番个原本四四方方果个形出黎。
9.超级市场踩住架购物车黎行。
10.踩水"tum"，系好特登果只。
11.吹口水波。
12.搣墙上的乳胶漆或墙纸。
13.系平滑既地面上面跣下跣下咁行。
14.整湿的纸巾，掟上学校厕所天花顶。
15.食完绿箭香口胶，一定摺返成张包装纸，再放返入个大套入面。(都唔知甘做既目的系乜野)
16.响课室玩俄罗斯轮盘，将粉刷沾满粉笔粉，放系风扇上面，等个风扇转转下，转得个时飞出黎，睇下个粉刷中飞边个。
17.放胶袋（当风争咁放）。
18.去后梯执咸书睇，将睇完的咸书撕开飘落街。(我唸可能好多男仔都會咯)
19.贴张龟仔纸响D同学个背嵴度。
20.踩人地个影。 (我轉踩頭迦)
21.狂踩人地对白饭鱼，尤其是大肥仔果D。(人地讲新鞋要踩够三次先COME着噶..)
22.用几条橡筋射D同学。
23.掉人地门口噶拖鞋落街。(我都成馹去收埋我啊妹對拖鞋迦)
24."Mung"消防喉，射水落下面个球场，睇下射到几远。
25.尝试用「念力」整弯汤匙。(有可能咩?)
26.用气鎗射街上噶途人。(我无射过人~不过比D死靓仔整过~)
27.玩千秋，"fing"到咁上下就飞出去斗远。 (唔糸玩韆鞦啊...糸玩命啊!)
28.落楼梯时坐系的扶手上面"sir"落黎。 (一个字:爽)
29.在自动梯行相反方向。(我觉得缝系细路仔都绝对会做过呢样野~就算无做过都有念过要做啊~)
30.把「误投信件」或没有用的宣传单张，胡乱放入其他的住宅信箱。(哈哈~仲写过好多恐吓信放落人地个信箱到添!仲有扮正義寫挑戰信啊!)
31.坐地铁时，抓紧中间的扶手，地铁一开动博命绕住转（自转）。
32.在月台上斗快跑。
33.系被窦入面开住电筒扮露营同埋系入面食零食
34.用图钉弄穿学校壁布板。
35.乱按人地既门钟，然后松人。(E个游戏绝对好玩啊~)
36.明知过左三岁，仍然吾买飞，「捐」地铁既入出闸机。
37.不小心涂改液（很旧的有一个扫那种）涂在手上，然后用附送的天拿水，搽在手上以图弄去改液。
38.用欢乐天地等既硬币当一蚊用。
39.煲蜡。
40.把汽水罐静鸡鸡放在校车的车轮下摄住，开车时把它压扁。
41.用萤光笔油指甲。
42.向学校d木台上面画公仔。
43.用电筒／雷射笔射落街或者照住d路人。
44.搣碎d纸巾，然后抛出窗
45.巴士一开车，就同佢斗快跑（最终当然唔够快啦）。
46.落雨担遮，懒系型咁转把遮。
47.见倒d矮过自己既人行紧过黎，会好自然"gut"高d行。(哈哈哈)
48.将擦胶碎「搓」成一粒黑色物体。(哈哈哈哈哈~我有试过甘做)
49.玩冒险乐园的游戏（例如篮球或保龄球），企系最高或企系跑道既最尾玩。
50.地铁出闸果时「捐」过闸口，拎走张地铁飞当地图。
51.屋企没人果时，对住块镜学人跳舞／做戏／唱歌。 (偸偸着媽媽既高跟鞋)
52. 同细路争一d无聊野，例如「美少女战士角色∶sailor moon系我既, 火野丽系你既」或「四大天王，黎明系我既，所以你唔准钟意黎明，你钟意郭富城啦」。(哈哈哈~好搞笑啊呢个)
53.玩厕所水。
54.去到公园，系咁撕百千层d树皮落黎。
55.慢慢行近D麻雀到，企图捉住佢地。
56.系街见到狗就扮猫叫，见到猫就扮狗吠。
57.趴系地上扮死，想吓阿妈阿爸。
58.画花报纸或书上既画，为人物加牛角或者胭脂等等。
59.拎d元宝当船放系水上玩或者抛落街。
60.用条绳hid野落去住下面个户人既窗前，然后"fing"来"fing"去，引人注意。
61.买翻来噶新鞋都咬下鞋礃
62.落雨噶时候啊...拿住把遮特灯行D大雨D噶地方
63.踩住部3.輪單車週圍去...見到單車保管站就泊埋去..叫啊姨幫手保管!
64.女仔好中意將D玩具裝込膠袋..1.鞦2.楞甘..然后同媽媽講"媽媽我繙離探妳啊..
文字
