第一次怀着忐忑既，侥幸既心情买左台高仿N记的山寨机，价钱系350元。
等左一日，货到了，撕开包装，机身做得几靓甚至后壳都系用铁质材料，跟住就系悲剧既开始了，首先系电池，标识系1000毫安，但拧系手轻飘飘咁，我估个1000毫安都系虚标，跟住打开后盖，见有个2G既TF卡，冇产牌LOGO明显系山寨野，塞第一块电池入去跟住长按开机键，冇反应，跟住塞第二块都系冇反应，唯有自我安慰可能系电池冇电遮，于是插上充电器开机，终于可以开机了，虽然N记的握手开机LOGO做得好靓，但掩饰唔到山寨机既劣质技术，首先触摸屏反应极慢，点击经常冇反应，而且仲有大大力点击先有反应，唯有用配置的刮片点击总算有顺利好多，但如果想上下拖动异常艰难。其他既功能就略去不讲了，基本上同非智能品牌机差唔多，尝试上网，打开既系WAP网站，于是尝试上WWW网站，出现内存不足提示，无法上WWW网。客服话机子配有UC，但我稳唔到。
于是关机，拨开充电器，在按开关机键冇法关机，唯有强行拔下电池强制关机。装上我原装既金士顿TF卡费左几分钟，原因系装TF卡既弹片异常难夹紧，终于都装上TF卡了，由于之前电池充左D电以为可以开机了，点之都系冇法开机。于是又用充电器插电开机，呢此真系弊弊都冇咁弊了，居然开机白屏。。
于是QQ联系客服，比出既答案真系啼笑皆非，
客服：格式下TF卡在开机，有时拷入资料会有病毒，佢话有呢D现象（我顶你肺，张山寨TF卡乜都冇，何来资料），又叫我取开TF开机
我：我冇用TF卡都开唔到机，闻所未闻要格式TF卡开机的，我而家用我正版既TF卡都冇法子开机，系埋都要格式埋。。
客服：机子我们在这边都有试过的，先不要激动，你把机子恢复一下出厂设置
我：客服同志，我开机都白屏，你叫我如何恢复出厂设置呢
客服：那你把机子退回来吧，换台
我；不换，退货行不
客服：可以退货
我当天晚上就把手机给退回了，花掉我15元得运费。。当然系埋可以真系可以退货都系未知之数，如果真系唔得，就当系花350元买个教训，记住以后千祈唔好在帮衬山寨货 了。。


各位蓝调朋友，我想买HKC(弘谷电)智能机，有D话系山寨，有D话系品牌机，究竟系点架，都冇知道呢只牌子手机质量如何既朋友比小小意见啦。。

講得好啱!!

华为的u8500不错，1200左右，适合初烧玩机者

节哀顺变啦

HKC(弘谷电)系正牌机，由于佢同惠州嘅hkc重名，所以宜家已经改名叫IHKC
呢间系香港嘅公司，听讲系由富士康代工嘅
呢间公司唔系世界顶尖品牌，所以如果你要罗嚟同n或者s等比较就肯定冇得比
但系佢绝对系正牌，由香港设计大陆代工，质量比起国内山寨肯定高几百倍
我个人觉得比起什么联想、tcl、海尔等品牌质量更加好点
中肯点说就介乎于国内一线品牌与国际一线品牌之间
但系由于佢先对仲系细公司，售后就要直接邮寄返深圳保修，但系服务都几好
同时佢从功能同埋外形等都有意无意模仿HTC，所以比好多人误以为系山寨机
呢个品牌出现咗几年嘞，岩开始质量普通
宜家新嘅机型质量应该几好，特别系安卓嘅系统机
而且特点系硬件特别高
往往同htc一样嘅硬件配置，但系价钱就只有htc嘅一半都唔到
佢有官方网站，有论坛
国内都有唔少机友
如果你睇岩边个型号，可以去论坛了解下
http://www.ihkc.net/
http://bbs.ihkc.net/

觉得佢已经办得越嚟越好，话唔定就系下一个htc呢
貌似宜家同三星定边间国际品牌有合作
我讲咁多嘢，唔系因为我系托，而系我有一台佢嘅虎蜥hd手机

终结一下就系，质量比国产机好，比国际一线品牌差啲，价钱系国产机嘅价钱，硬件系国际一流机嘅同等配置，如果你想拥有强劲嘅硬件又唔系好多钱买一线品牌，ihkc会系你嘅一个选择。

国产机...係咁噶啦

算啦，几百蚊，当买个教训

正所謂便宜沒好嘢，300幾蚊噶手機質量可想而知拉

一分钱一分货啦 想下都知道啦 350蚊噶手机

肯定无得退 因为买这款机的人都会退货 咁山寨厂边有钱赚？
所以我一直都叫D人唔好买山寨机，虽然350买到教训，不过山寨厂始终都赚到350，很多个350，山寨企业会继续发展下去，山寨厂会越来越多，后果不堪设想

Quote:

引用第9楼cdcd于2011-04-17 12:34发表的:
肯定无得退 因为买这款机的人都会退货 咁山寨厂边有钱赚？
所以我一直都叫D人唔好买山寨机，虽然350买到教训，不过山寨厂始终都赚到350，很多个350，山寨企业会继续发展下去，山寨厂会越来越多，后果不堪设想

呃。这个真可以退，可能系我当日收当日退、包装完好、客服沟通顺畅既情况下，今日已经退款了。


wdfbn4(2011-04-17 11:43:59):

请问货款退了吗
xx数码(2011-04-17 11:44:08):

稍等我看下

xx数码(2011-04-17 11:45:13):

好了已经退了
xx数码(2011-04-17 11:49:56):

已经退了你查下
wdfbn4(2011-04-17 11:50:28):

好，谢谢你。
xx数码(2011-04-17 11:50:49):

不客气
wdfbn4(2011-04-17 11:51:26):

刚退的吗
xx数码(2011-04-17 11:51:53):

是的

为免为商家做广告，所以用XX来代替商铺名称

便嘢无好货 使做钱得到部废铁

上次叫你唔好买啦山寨机啦.你又唔信...唉