抑郁病病人的自白
0
我朋友Q zone嘅文章,贴出嚟俾大家睇睇
我叫Tompson,係一名抑郁病病人,我係从高中开始发病,一直到依家.依家,就等我讲下我嘅过去,现在.
小学时候,我就慢慢有D肥,不过我都好钟意运动同活动,虽然肥,冇人钟意,但有好多好朋友,包括我最好嘅2个朋友,游佬,老林.我都觉得我曾经叻过.第一次聚会,係我发起嘅,当时係6.1,我组织去其中一个同学大宾屋企开大食会,比较成功,小学好无忧无虑,好开心,我思想未萌芽,的确係一个小朋友,冇野心,就咁就6年了,好可惜,差少少考唔上重点中学,就到初中了.
初一嘅时候,老师知道我叻,好关照我,我成绩唔错,有几个好朋友,我思想开始萌发,有野心,做法有D唔对,可能引起某D同学不满,我钟意去隔离班,钟意打波,有几个小学同学,帮助我拓展人际关系,初中几年,我人际关系都唔错,翻学好多人同我打招呼.初二时候,我思想有咗重大转变,我希望我能做好人,同时开始有一个同学有感觉,识咗几个好朋友,每日开心度过,学期尾,因为成绩好,要入重点班,我唔想入,我同父亲讲,重点班一定好黑暗,最后我去咗重点班,发现係天堂,但我讲嘅话,高中应验,重点学校好黑暗.初三时候,我同某女同学书信来往频密,我钟意咗佢,但最尾佢都冇拣我,对于我将来嘅病,係一个影响,係后话了.我成绩依然唔错,最后考上重点高中,依依不舍同同学告别,来到重点高中.
高中,人生最黑暗时期嘅开始,因为係高中,我患上抑郁病,考唔到大学.高一入学,本来冇咩嘢,同同学相处都可以,但可能因为我得罪咗某D人,佢哋就害我,到处讲衰我,将我嘅缺点放大,同学都疏远我,除咗杰佬,我基本冇朋友,係佢哋身上,我睇出人性黑暗嘅一面,自私,钟意踩低别人抬高自己......太多啦,我就係因为冇朋友,成日有我嘅流言,佢哋当我怪物,话我废话王,我变得紧张,抑郁,唔开心,可能因为我嘅性格,我太在乎别人嘅睇法,我嘅成绩下降,冇心机读书,至于点解我会睇医生,知道自己有病,我依家就讲讲:某日早上,我翻嚟打算抄作业,但老师一早翻嚟,睇住收作业,一定要交出作业,唔俾抄,我精神崩溃,喊,但其实交唔出作业嘅人就一样冇事,开始咁生活,我就觉得我有问题,要睇医生.所以,第二日,我冇翻学,去咗睇医生,做咗心理测试,早期精神分裂,抑郁病.早期精神分裂经过治疗后医好咗,但抑郁病医唔好,转为慢性病.我係同学嘅嘲笑,讽刺,疏远,被当为怪物情况下来到高三.係度提一提,重点高中嘅老师係冇人性的,佢哋只顾学生成绩,只顾自己份工资,唔同学生交流,只识罚,又唔识保护学生,而学校制度又唔好,重点学校係害人的.到咗高3,成绩我完全跟唔上,病发得好厉害,唔想翻学,最后,新年之后,我都冇翻学,最后选择唔高考.另外一方面,我买咗电脑,学识咗上网,玩过几只网game,识咗好多新朋友,算係值得庆幸嘅事.
冇翻学嘅时间,我开始养病,都算稳定,定期睇医生,但由于有几只药係会增肥嘅,所以我开始肥起身,又肥又丑,考唔上大学,冇前途,自卑嘅阴云不散.我会谂,我今世完啦,我希望世界变得美好嘅希望完啦,我冇能力改变世界,冇能力为屋企人,别人带嚟幸福,我想做个好朋友,好男仔,好人,但冇人领我情,我孤独,寂寞,自卑,一直都好想死.因为有病,我跟住冇能力做嘢,过唔到正常人嘅生活,我想死,好想死...
我觉得自己好冇用,又肥又丑,冇读大学,冇工作能力,同初中时候完全唔同,自卑,初中都有人暗恋我,依家只有俾人拒绝嘅份.发病嘅时候好多嘢谂,多数向坏方面谂,自卑,谂到死,谂到人生意义,空虚,冇人将我拉翻出嚟,朋友唔理解,唔知我咩事,以为我好正常,我得不到理解,想死,想死...
我唔知我出路係边度,可能活着1日得1日,我希望尽量可以好过D,唔知,死係咪最好嘅解决办法...
|
