浪奔浪流／万里滔滔江水永不休／淘尽了世间事／混作滔滔一片潮流／是喜是愁／浪里分不清欢笑悲忧……

　　几年前，喺北方某市一家K厅，当我将《上海滩》呢首歌曲唱罢，居然少有噉响起陌生人嘅热烈掌声，令我受宠若惊。原来全赖呢首歌嘅名气所赐——当地人唱粤语歌难度大，听到有人以标准嘅粤语腔“合格”噉唱出自己喜爱而唔敢唱嘅歌，先有呢种反应啫。

　　上世纪80年代，一曲气势磅礴嘅《上海滩》，经由香港歌手叶丽仪唱出，不但喺港澳台地区街知巷闻，其后更係风靡国内、东南亚地区及至美国、加拿大等华人社会。

　　只不过一出电视剧集主题曲，点会咁大“杀伤力”？係咪嗰出《上海滩》剧集好睇，连带捧红埋佢嘅主题曲噶？呢个问题其实相当于问“先有鸡蛋先定係先有鸡”啫！冇错，想当年喺香港，电视剧正处于全盛时期，电视剧主题曲亦顺理成章成为流行金曲，仲占咗乐坛嘅半壁江山添！但即使係噉，亦冇可能每首歌都走红，更冇可能红得咁交关嘅。

　　以旧上海黑社会龙争虎斗为背景嘅电视剧《上海滩》，正如入边汇聚咗周润发、吕良伟、赵雅芝等当红偶像充当主角阵容噉，该主题曲畀边个唱同样举足轻重。而叶丽仪以其天赋嘅音域宽广、清劲有力嘅独特声线同唱功造诣，配合主题曲《上海滩》韵律之激越、跌宕，词句之豪放、高昂，可谓度“声”订造，舍佢其谁？

　　果然，谱曲人顾家辉、填词人黄霑一啲都冇走眼——《上海滩》主题曲唔单止迅速流行，仲经得起时间嘅洗礼，卒之成为最经典嘅流行金曲之一。对歌手而言，叶丽仪一炮而红，从此奠定咗实力派歌手嘅乐坛地位；对剧集而言，则起画龙点睛作用，可谓相得益彰咯！
　　

《上海滩》，，，的确系一首好好听嘅歌～～～

《上海滩》套戲好睇,首歌又好聽,依家講起我都想再聽翻首歌啊

有D怀念！

果时未出世

Quote:

引用第4楼戰神1號于2007-02-02 19:18发表的:
果时未出世

文少~~你即係話人哋OUT 嘎

Quote:

引用第5楼kelly于2007-02-02 19:40发表的:

文少~~你即係話人哋OUT 嘎

无甘讲过喔！

80年仲讀緊書.

個個時候仲好細個~~

Quote:

引用第7楼肥牛肉于2007-02-02 19:44发表的:
80年仲讀緊書.

好歌就要聽,好戲就要睇,你哋都唔識貨既

Quote:

引用第9楼kelly于2007-02-02 20:08发表的:

好歌就要聽,好戲就要睇,你哋都唔識貨既

无错，靓女就要及

Quote:

引用第9楼kelly于2007-02-02 20:08发表的:

好歌就要聽,好戲就要睇,你哋都唔識貨既

乜唔識貨,果時番學最中意學佢tim呀!

我中意創世紀多D～～～～出嘢真系勁正，勁回味！古仔簡直令我。。。。。。沉溺啊！！