问世间情为何物，直教人生死相许”你系唔系为左或者曾经为左依个情字而烦恼呢？？？？我相信十个有九个人都会，除非你看破红尘，归依它佛......
其实无咁严重，但係我相信身为男仔，都总会有沟女既时候，当你经验不足，甚至完全无经验既时候你点办呢？？？？？废话少说，依家就入正题（讲得唔啱米飞鸡蛋啵）。
首先，你要有必要既基础，何谓必要既基础呢？例如，样貌、金钱、口才等等......试问，无钱无样无身份既人，鬼有女仔同你一齐咩...咁讲虽然hurt左少少，但係现实就如此。咁当然，依D必要基础无需要太高，假如你有谢霆锋、刘徳华或者碧咸既样，又有李嘉城几百亿人民币咁多既身家，或者老豆係国家主席，咁你完全唔使听我讲废话。话虽如此，都係睇下对象喈。你无理由话俾我听八两金个样走去沟钟欣桐......就算你沟到都俾人围殴而死(我肯定第一个拗手)......讲左咁耐，都係一样嘢，最紧要目标唔好太过太过高......注意了，係太过太过高，唔係高......无谓做不切实际既事，不过，目标比较高係绝对应该既...拿破仑都话过，唔想做元帅既士兵绝对唔系好士兵......
然后啦，你要开始沟女咯啵（前面说了很多废话...），当你选择左一个目标，唔好急，千祈唔好急，你米突然间走去同个女仔讲“我爱你”，轻则人地以后唔理你，中则揾人打镬甘既俾你，重则当你係痴线打电话报警你就仲大镬过卫星个只镬......
慢慢来，一切从朋友开始，去撩撩佢倾计，你怕丑既可以问人挪佢手机号码，不过米乱打电话过去......只要个女仔唔係憎你都可以发展落去。从最普通既朋友做起。开始既时候要小心，尽量将你最好既一面俾佢睇，唔好过分扮嘢，亦唔好过分随便，言谈举止要得体，（特别要提唔好爆粗口，本人就因为粗口太多......）得闲同佢发两个信息，唔好多，间唔钟先发下，沟女要有耐性嘛......
好了，成为朋友，依个时候会开始同佢有比较多既话题，就算无你都要制造迎合佢既话题，不过仲未需要单独相处，你可以再叫埋成班其他朋友一齐出来饮饮嘢，吹吹水（注意了，依个时候千祈米俾机会人地，自己沟唔到仲帮人做埋媒人到时候死左都合唔埋对眼）。
又好了，慢慢成为了比较好既朋友，依个时候又要注意了，你可能会好容易係依个时候同佢表白，千祈唔好住，搞得唔好可能连朋友都无得做。千万要压制自己既冲动（本人又试过了...因为冲动...食柠檬食到正...）。你可以约佢出来，最好就揾机会陪佢出来，例如佢要买嘢要人陪，你可以充专家陪佢出来睇。要好好利用依D机会，买完之后就当然去饮饮嘢，食食嘢。又或者趁一D节日约佢出来，例如过年，你可以约出来行下花街，当然时间要事先约，万一俾人捷足先登就唔好，买买礼物氽氽佢开心。记住，依D钱唔悭得，必要时候借钱都要借翻来。当然，一个正常既女性朋友无乜理由无啦啦叫你一样好贵既嘢送俾佢，一係佢玩你，一係佢习惯叫其他男人帮佢埋单，依D女仔你可以唔要了（特殊原因除外）。机会让你遇到了，你仲要识得运用，依个係增进感情既好机会，不过都係个句，唔好太冲动，米一下子将你既想法讲晒俾佢听。你同佢倾计既目的主要係使到你了解佢，而唔係佢了解你，你需要既係增加佢对你既好感。依度可以提一下，适当运用一下幽默，冷酷既男人可能会得到一D女仔既欢心，但係幽默既男人绝对系绝大多数女仔都钟意（幽默*平时练噶...培养一下，睇多D依一方面既书，唔单止沟女有用，对你将来既人际、事业都係非常有用）。
到左依个时候，你已经从唔相识变成好朋友，下一步，就要继续诱敌深入......
通常到左依个时候，个女仔都会同你讲一D心里话，你同时都可以同佢交一交心，切记，交心还交心，一定要有所保留，保持一D神秘感，依D係沟女沟仔都需要。
依度有一个技巧，就係对女仔忽冷忽热。好似钓鱼一样，一味同条鱼斗力无用既，要放放，再收收，条大鱼先钓到上来。不过要把握好尺度，太冷了人地以为你唔想同佢讲嘢，唔想理佢，之后人地都唔理你；太热了，只会让人觉得你好烦，慢慢就可能厌恶你。个时候你既印象就大打折扣。有时候女仔都会好享受依一个过程，通常沟女快慢，好关键依一步，高手往往把握得好，几日就搞点一件......羡慕ing......
再到依个时候，你已经同佢变为非常好既朋友，到个时......米惏错，未係时候表白，依个时候你应该引佢讲真心话，如果佢同你到左无所不谈既地步（并非真係无所不谈，最紧要佢同你谈心，个种程度大概係开心伤心都第一时间揾你），佢肯定对你有意思了，继续保持你既神秘感，你要变为一个可以保护佢既人，你依个时候要显得俾佢成熟得多。如果佢同你讲嘢既时候仲係有所避忌，唔紧要，每个人都唔同，何况係女人，女人既秘密多的是，无需介意，仲有办法......
你再揾机会同佢单独相处，约佢去街之类，时候要适合，记住要单独，趁一D机会拖佢只手，例如过马路既时候（你米係无车到个时先过，记住要适合时候，冲下红灯几过瘾...），你可以大胆咁拖佢只手，过左之后就要睇下佢反应，佢唔放手你就千祈米放手，如果正常情况下个女仔就应该唔会放手，放了亦无需害怕，继续上一步，然后再揾机会，绝对唔需要灰心，你到左依一步你要有自信一D。
手就拖了，你可能认为係时候表白。其实唔需要，仲有技巧......
既然你有机会拖佢只手，你自然可以揾到机会...突然锡佢一啖,依个突然法係趁佢唔觉意既时候锡，并非係公众场合搞到尴尴尬尬，你可以利用环境条件，至于咩环境，你睇你能制造出咩环境了......最好就能够係屋企（係屋企做咩都得，不过你係佢面前係正人君子，就算可以都唔应该做个D过分越轨行为既）...依一个办法绝对比直接表白好，人总係喜欢惊喜，直接表白可能令到佢有多余时间去惏，你一个突然既吻，往往令佢刹那间不知所措，个时候结果就比较容易控制。唔使怕，因为你同佢既关系已经到了非常暧昧既地步，情场新手总係有畏惧，依D场面单止拍戏会出现,真实用起来比起拍戏仲更加精彩。不过，亦都有可能有拒绝既时候，不过依个机率唔大，除非个女仔真係对你一D感觉都无，可以放胆上。又要你记住了，亦都係非常之紧要，会放会收，开始时候尽量放慢，俾时间女仔适应，到了应该去既时候，放胆去。
我记得一个朋友话，佢朋友同左一个女仔到达上床既地步都仍然未正式同个女仔表白，唔使逼自己表白，好多时候行动就够。不过都要睇情况做人，女孩子已经画公仔画出墙既情况下，无理由你仲比女人仲要“矜持”。
好了，你已经锡到佢，依一个时候佢已经到左你手。不过，你千祈唔好将你自己本来面貌即刻表露出来，你一日未同佢结婚佢一日都可以离开你，何况有离婚依样嘢？！又要记住了，如果佢係你第一个，千祈千祈米放晒所有心机落去，无乜人可以拍一次拖就可以结婚。
忽冷忽热 常给惊喜
会放会收 把握尺度
幽默相处 冷静处事
说我爱你 适可而止
这32个字可以作为你同佢相处既办法，不过，同女朋友相处绝对比沟女玄妙得多，并非说一说就能说明白，依一样就要*自己努力咯......
不过，仲有一D禁忌要讲：
1、要懂得忍耐，沟女唔係你要沟就沟，要俾时间对方接受，你太冲动好大可能会产生反效果。
2、做人要自信，沟女更应如此，大胆尝试，小心行事，你无自信无人会睇得你起。
3、我喜欢你唔应该成日讲出口，第一、女仔可能开始会怕；第二、喜欢唔係用口讲就得；我爱你更是如此，忌廉蛋糕就算点甜食得多都会腻。
4、如果你唔係钟意对方，就唔好拖累人地，随随便便就沟个，尤其係失恋既时候，更加唔好话执唔到西瓜就执个吉，浪费感情係好严重既罪行，后果你好难会预料到。
5、要学会放手，强行得到既嘢唔会长久，亦都无意思，无谓为左一棵树放弃成个森林。仲有，有时候唔好为左仲有些少感觉就唔忍心放手，到你完全无感觉既时候你想放手都未必可以放到，学会用平常心对待。
6、一定要记住咩先係最重要，唔好将沟女放係第一位，你既世界绝对唔会只有爱情。
6、要有心理准备，假如你沟靓女既话。靓女通常只可以用来睇，沟就可免则免。当然，最紧要自己开心，姜太公钓鱼愿者上钓啊......
7、要永远记住，讲係比做容易好多好多好多好多倍，唔好将一D係人都会讲既话放係口边。
8、或者你已经成为了情场高手或者沟女高手，但唔好以为係女就沟到，至少你沟唔到Twins其中一个。
吹水完毕了，至于你应该点做，都要睇下你自己了，具体问题具体分析嘛，祝各位成功!!!
