我童年时期玩嘅游戏 - 大家都嚟讲下自己细个钟意玩嘅游戏啦!!!
0
今晚食完饭,我同我女朋友一边散散步,一边吹吹水.当我哋走到一个有运动设施嘅地方嘅时候,见到有一个妈妈同佢哋嘅子女系度玩游戏.令我冧翻起以前细路时玩嘅游戏,好令我怀念啊!之后同GF讲翻起细路时期D嘢.一讲到细路时嘅嘢,我就收唔到声.真系好鬼开心.讲得最多嘅就系细路时玩嘅游戏啦.以下嘅内容就系我细路时玩嘅一D游戏,为你哋慢慢介绍同写上游戏规则.唔知你哋又玩过未呢?仲有D游戏名唔系标准嘅,只系我哋系咁叫!
1. 邓鸡鸡.哈哈…我冧都有唔少人玩过挂?邓鸡鸡就系要分出一去捉人,而其他人都系被捉.捉嘅人就系单脚跳住去捉人,就系因为单脚咁跳,邓下邓下咁,所以咁样就叫邓鸡鸡啦(我估咖扎).而被捉嘅人嘅走动系有范围嘅,唔可以出界,唔可以被捉到.如果被捉到或出佐界嘅话,咁呢位人兄就变佐捉人嘅人啦.至于走动嘅范围系无定嘅,视人数而定.
2. 木,得.呢个嘅玩法超容易.哈哈…又系一个捉人嘅游戏.又系有一个人系捉人嘅.其他人都系被捉嘅.玩嘅都系有范围嘅.而呢个游戏嘅特点就系,被捉嘅人可以叫”木”叫佐之后就唔可以走动咖啦,捉嘅人都唔可以捉佢.而系”木”嘅状态下,唔可以自己叫”得”.而系要系其他被捉嘅人而且无叫”木”嘅人去摸佢,摸嘅时候就要叫”得”一声.咁样”木”嘅状态就失效,呢个时候呢个人又可以走动啦,当时捉嘅人又可以去捉呢个人啦.如果被捉到或出界,咁样呢位仁兄就要变成捉嘅人啦.
3. 摸头发.唔知有几多人玩过呢?首先都系要揾一个人出嚟做被摸头发先,之后被摸头发嘅人就要爬系墙,其他人就摸佢头发.摸完就一直走,直到被摸嘅人发现叫停嘅时候就停.直到所有人都摸完头发后.被摸头发人的就要跳3步去捉人.如果自己跳佐证步后仲系捉唔到人,就要重新嚟过,如果捉到人,那捉到嘅人就会变成被摸者.哈哈,呢个游戏对于长发同感觉较差嘅人嚟过系好唔抵玩.
4. 摸电.呢个游戏并唔系真系叫你用只手去摸电.呢个系一个追逐游戏.玩嘅人数要系4人以上.一般6,8或10人最好玩.点解要双数,因为要分两队人.每一队人都有一个基地,我哋叫呢个基哋就”电厂”.而且双方嘅”电厂”要系30米以内,可以俾大家睇得到.游戏开始,每队人都系摸住自己嘅”电厂”睇边队人主动出击,先派人离开”电厂”去”挑衅”敌方出击.敌方出击的人因为离开”电厂”嘅时间比已出”电厂”嘅人迟,所以”电力”强以早出来嘅敌方,就可以去追佢,而这时”电力”不强嘅人只可以逃走,如果俾比自己”电力”强嘅敌方摸到,咁弱嘅就会”死亡”.但当弱嘅人系被追的时候,可以走翻自己”电厂”摸一下”电厂”咁就系”充电”,咁就可以追翻转头.可以咁讲,边个最迟摸自己”电厂”嘅人就系有追离开对方”电厂”嘅敌方.离开佐电厂可以翻自己”电厂”充电.赢嘅条件就系,摸到敌方嘅”电厂”…哈哈…
5. 狂波,我哋呢个系叫狂波咖,不过大多数人应该系叫”闪避球”.玩法就系一班人系一个区域入面,而有4个人企系呢个区域嘅边外.区外嘅人就用球去攻击场内嘅人.如果专场内被击中,而且个波跌佐落地,咁呢个人就要出场,与出手攻击嘅人换位.如果场内嘅人接到波,无跌落地嘅话就可以得到一条”命”,咁样下次被击中都唔仲有一条命唔使出场.场内嘅人出佐界都算无佐条命.
6. 哎号数(哎,叫嘅意思).呢个游戏系我细个最钟意玩嘅游戏之一.呢个游戏,有10到15个人玩 就最好玩.游戏嘅工具系一个球.开始游戏前,先要将每一个游戏者排上一个号数,由1按顺序排落去,每一个游戏者都有两条”命”.一开始由一个游戏者攞住个球,向天泡抛球,抛嘅时候一定要系球上升嘅时候哎(叫)出一个号数.呢个号数唔可以系自己嘅号数或无嘅号数,如果咁叫嘅话就会无佐一条”命”之后就要重新哎过.而被叫到号数的人就要去接球,如果球在未落地之前就接住佐,就可以唔使等其他游戏者就直接哎号数,呢次哎嘅人除佐唔可以哎自己嘅号数同唔存在嘅号数之外,仲唔可以哎之前哎你号数嘅个位游戏者嘅号数,如果哎佐之前哎你号数个位游戏者嘅话,被视为报复,会失去一条生命!如果系接唔到球或落哋后先接到球,咁就要系球落地嘅点度夸5步去捉其他游戏者,如果捉唔到就失去一条”命”如果捉到就系被捉到者失去一条”命”.有游戏者失去一条命,就视为一个回合结束.而失去一条命嘅游戏者就可以系新嘅一回合入面可以做第一个抛球哎号数嘅游戏者.直到一个回合出现有一个游戏者失去了两条”命”嘅时候,失去两条命嘅游戏者就要接受大惩罚…大惩罚嘅内容就系其实玩家用个球去”订”(扔的嘅意思)你个PETPET…首先系被罚者系”订”嘅线向前跨又得跳又得,5步距离.之后背向其实玩家,腰弯低到俾其他玩家只见到PETPET…之后每一个玩家就有一球订被罚者PETPET嘅机会啦.罚完就由被罚者开始新嘅游戏,先个人都会得到2条”命”
就讲住咁多先啦,事关仲有好多游戏唔可以系度一一讲晒,以上嘅游戏对我嚟讲系比较深刻咖,当然仲有好多啦,如:洒盲儿,BO尼尼(躲猫猫),捉老鼠,麻鹰捉鸡仔等等…E+无比怀念细路时期啊.以上嘅游戏都唔知以后仲会唔会有人会同我一齐去发癫再玩多次呢?有就好啦…哈哈…以上都系运动性嘅游戏,仲有好可文静嘅游戏我都无写上嚟.E+嘅小朋友好细个就接触电脑,玩嘅游戏都系电玩.冧到就替佢哋感到可惜啊!!!以上嘅游戏有边度唔明嘅,可以发问咖!!!如果你哋又有D好好玩嘅游戏,又发出嚟一齐分享下啦…
希望大家,即使忘记佐童年,都唔好忘记童趣!保持一个细路嘅心,人都会开心好多!
|
