今日又去探望师傅······
无意中讲了句：“钱啊，我万能嘅钱快D嚟搵我啦！！！”结果由受到师傅教导啦！！！
师傅：徒弟仔，点解你话钱系万能嘅？
我：错咗，钱唔系万能嘅，有人话钱唔系万能，因为钱买唔到感情！
师傅：仲有无呢？
我：仲有都系听人讲钱唔系万能嘅，至少钱医唔好艾滋！
师傅：仲有无啊？
我：无啦！！
师傅：咁你有乜睇法？
我：无啊，我就知无钱好烦！！！
师傅：呵呵，你讲嘅两句话你自己有无发现共通点？
我：共通点？
师傅：嗯，响你所讲嘅以上两个状态下，钱无办法发挥佢嘅唯一作用“交易”
我：咁喈系话？？
师傅：嗯，首先系第一个个“感情”佢应该系一种心态反应或者心理反应，因为我对感情嘅研究都唔系好深入，所以可能形容得唔系好仔细，人好难控制感情，就算话可以控制多数都系自己呃自己，所以佢无所谓嘅“货”，而艾滋都系一样，艾滋暂时唔存在可以医治嘅药物或科技，所以亦唔存在“货”呢个条件，就好似感冒咁，你唔系用钱去医感冒，你系用钱去买药或者支付诊金去医治感冒，并唔系口讲嘅用钱去医感冒，既然医治艾滋嘅药或者系科技唔存在，你点买到来自未来嘅嘢？所以无办法进入“交易”呢个领域内。“交易”基本分四个要素：买家、卖家、款项、商品。亦有D特殊交易，可以称之为等价交换，例如美金兑换人民币等……仲有就系低嘅价钱购买到贵嘅商品就称之为物超所值或者系物有所值。。。。。。反之就系对方捞咗你一笔。个D乜嘢等价交换或者物超所值只不过系我用口语讲等你容易明白D，总而言之钱只有一种用途，亦系唯一一种用途，就系交易，至于你系买定系卖，赚定系蚀，就要睇翻你自己啦！！！
我：又学到嘢了！！
师傅：讲乜都无用，差我两支啤酒！！！
结果讲就两支，饮就饮咗一打！！！饮之前仲要串我：“讲两句嘢又有酒饮，呢D咪叫物超所值咯，好过去抢啊！！！”
