11月1号-12月22号实施单双号限行（具体情况请睇新闻）
唔好彩，我日日要到科学城上班，大观路、广园东日塞夜塞。公司交通车由市区到公司大概行40-60分钟。有啲同事自己坐车大概120-150分钟。宜家BRT开通后CUT左30条线路，媒体报道够多，一旦实施单双号限行，52日除左公休，起码有20天无交通车坐，逼BUS，车唔够、人又多（萝岗区工厂多、工人多，交通车一半唔俾行），到时东区就认真精彩。可能又要“被休假”（一次休晒5年年假，仲要隔日休）。
交通管理失当，要市民承担。以目前发展趋势，2020年广州汽车保有量大概200W辆、人口1500W，如果成功申办“2020世博”，岂不是要单双号限行7个月！！
举办“亚运”系每个广州人既光荣，应该高兴，但系我唔觉，反而觉得好痛苦。
一年前未开始大搞市政工程时，可能每个广州人都感到骄傲、光荣，宜家可能得番一半。当然好多人赞成实施单双号限行，但系有无人为东区几十万工人冧下，每天唔可以坐交通车上班，要提前3个钟去等公交车，转车又转车，坐到屎忽都“林”先到公司。落班又再逼过，番到市区都7、8点，又要买送煮饭……
正如今日报纸话“买车唔系要嚟逛街，要嚟返工”，唔想塞车、冧住可以训耐啲，买部车代步，点知有30日唔俾行（8天测试），悲啊！
