唔知系唔系人大个左呢，记得以前睇黑白电视个时（好似系85年，我条村第一部电视机就系我屋企啦）翡翠台同本港台D 电视日日追，成班同村人来我屋企睇电视，担埋凳仔，个种气氛真系好好，成群细路围埋一齐，个时纯真到睇电视剧一睇唔明就问D大人“呢个系好人定坏人呀”
记得小学三定四年级个时开始有龙珠做，班细路罗住个胶面盆扮龟仙人，罗住支掠衫竹扮悟空。个时几多细路打交就系因为搞天下第一比武大会，因为GIGI对悟空讲既个句“你话过会娶我做老婆架，你想唔认数丫?"而去留意起同位果个女仔。。。。
还记得当然威风凛凛既乔帮主家仁哥吗？还记得当年系几多靓仔既梦中情人阿朱秀姑吗？我当年就好中意阿紫王复生，个种调皮刁蛮被她演译得那么丝丝入扣，那么的恰到好处
当年既种种真系唔想多讲罗，真系谂起都心嗡。。。。当我再睇返大陆个班粉肠翻拍既电视剧，乔帮主成个山贼甘。。阿朱同阿紫真系同桑拿上边个D差唔多一样货色，毫无演技可言，段誉就成个奶油小生甘，成日就只系瞄起个嘴，慕容复更加成个大乡里甘，毫无贵气可言。。。。
凡此种种，已经一去不复返罗。。当我地熟悉既TVB明星一个个演起爸爸妈妈，甚至系爷爷嬷嬷既时候，先发觉，原来不知不觉中，我地都。。。老啦！唔再系十八甘二既后生仔女啦，望住个女叫爸爸个时，好似又见到左当年既自已。
但系唔知依家既细路相比我地以前点呢？有人话梗系幸福多多啦，你睇，食又食得比以前好，着又比以前着得多花款，好睇，你睇吓D玩具？。。。我无言，但当我再睇到一个7，8岁既细路仔着一身西服皮鞋，手拿大哥大手机玩具既时候，一个几岁既女仔一头卷发，着住低胸超短裙，高跟鞋，查口红既时候，我更无言。。。
依家落班返到屋企，对住部四十几寸液晶电视个时，依然觉得空虚，电视台一个接一个甘转，听住一个接一个既黄绿教授，专家既咩病咩病既专栏，听到自已都心惊胆颤，睇住一个个超低价既购物，睇住个主持神经质甘推销，再睇住国产译白话既电视剧，D情节真系，我都系上网打吓锄大D好过。。。
有一日，个女话，区幼稚园有个小朋友屋企有部好大部好奇怪既电视，（区仲细个讲得唔清楚，我估系投影），我讲返以前既野区听，点知区话：“爸爸呃人，电视边会剩系有黑白色架。。。。”我唯有苦笑。
[ 此贴被zxzbbxz在2010-04-03 23:23重新编辑 ]
