今日无聊,系蓝调度转佐几圈,发现佐一贴,令到我想写翻D嘢咁,至于咩贴就唔好讲啦,因为呢个贴令到我几唔爽.
正所谓咸鱼白菜,各有所爱啊嘛...各人有各人口味,我觉得有D人做得比较过份,有人开个SHOW姐,又无人叫你去睇,睇完之后仲要话人哋最烂,好LJ,你钟意你嘅未得啰,仲要踩人哋钟意嘅?你睇觉得唔好,但又有人觉得好,咁样系代表你比人哋更有深度咩?如果系咁觉得嘅话,你又真系好有“深度”啰.我咁浅嘅人只系觉得品味唔同姐!唔通你钟意食咸嘢,人哋唔钟意,你就可以话人哋唔识食,无品味...你钟意你钟意嘅未得啰,何必又系度损人哋啊?人哋讲嘅唔啱你口味,就讲到人哋咩咁,你唔钟意可以唔睇,唔啱你口味唔代表LJ,最烂,无深度..每一个SHOW都系人哋嘅一翻心机.你唔可以讲人哋嘅一翻心机系LJ.你可以将心比心咁,如果你用心去做一件事,做完之后话你好LJ,好烂,你又系咩感受啊?仲要开贴去损人哋,如果人哋嘅“番薯”又学得你咁，又损翻你跟开条友,又会有一轮口水战啦!好明显呢一种人系唔识尊重人哋,唯恐天下不乱嘅人嚟咖啦~我发贴唔系讲边个边个唔啱,我只系唔想见到有人做呢种行为去挑起无意义嘅口水战咁姐~
