話說有一個男人有一個非常靚兼身材正嘅女朋友，佢對女朋友嘅愛勝於對時間上任何嘢嘅愛。有一日，個女朋友突然間離佢而去，連一個分手理由都冇講。於是佢將女朋友殺死，然後自盡。當自己差唔多就嚟斷氣嘅時候先知原來死嘅滋味係咁辛苦噶,喺呢一刻佢先意識到生命係幾咁寶貴。不過佢命不該絕，死唔去。但係自從佢女朋友死咗之後，一到半夜就會翻風，佢都會被嚇得縮埋一嚿因為每當佢聽到風吹到窗上啲聲嘅時候，一個長髮披肩，身著白衫，條脷長到落地，雙眼留住血嘅女鬼就會出現喺佢面前同佢索命。
一次佢見到個道士，於是佢將成件事講俾個道士聽，求個道士救佢。道士聽完之後就話：“你要做三件事方可擺脫惡魂纏身，而且一定要喺三更之前做完呢三件事，否則會惹來殺身之禍。”跟著個男人就照足道士所講將女朋友安葬好，燒嗮女朋友生前所著嘅睡衣同埋搵番之前殺死女朋友嗰件血衫並將之洗乾淨。但係點搵都搵唔到件血衫，而時間亦都就快到三更嘞，呢個時候佢心跳加速，成頭大汗，面色蒼白。皇天不負有心人，最後終於俾佢搵到件衫，但係唔知點解洗極都洗唔甩衫上啲血蹟。就喺呢個時候，一陣陰風吹開所有窗口，女朋友嘅鬼魂嚟到佢面前用帶著長而尖嘅手指指著佢：“你知唔知點解洗唔甩呀？”個男人知道自己死期已到，被嚇得全身無力，手軟腳軟 ,一聲都唔敢出。隻女鬼跟著講：“...............”
大家估下隻女鬼講咗句乜嘢
[ 此贴被mymassey在2009-07-01 08:04重新编辑 ]
