琴日朝收到短信，叫我去环市东既东兴大厦度面试，间公司叫华鸿酒店，面试果个地方，吾系响酒店里面既办公室既体落，好似系租一间办公室甘，无任何既电器设备，就得一张台，两张凳，甘果个经理就同我面试，面试既内容就忽略吾写啦，问题在于，距话入职前要交380蚊服装费，一听到，我就提高咗警惕，系米呃人既呢？当时距就问我带咗几钱，我话带咗20蚊，距就叫我交住20蚊先，今日下午三点再去交埋净低既360蚊，兼办埋入职业手续果D野，听日就开工，距连收咗20蚊既单都有开，不过果张单系“录取通知单”，系话同意录用我，并交咗20蚊服装费既

我就系度谂，未入职就要交几百蚊，都吾知系米呃人既，各位比D意见我啦，体下值吾值得做呢份工啦我，因为我已经失业一年啦，难得有机会，我惊会错过咗阿，如果呢份吾做，又吾知要等几耐先有啦，我个心而家都十五十六甘，好难下决定，我老豆就话即管试下咯，就算呃都系呃几百蚊喔

你地点体呢？？

试条毛咩...未见官先打30大板..甘既事.睬它都傻啦..

细心捻一捻都清楚晒啦...
一间公司是靠员工去稳钱的啊...没人做..老板自己一个做晤晒噶嘛..员工福利就出现咗.防止跳槽.人才既流失..未见工就要先交钱..呢间公司绝对有问题啦..

Quote:

引用第2楼龙四于2009-05-01 08:45 AM发表的:
细心捻一捻都清楚晒啦...
一间公司是靠员工去稳钱的啊...没人做..老板自己一个做晤晒噶嘛..员工福利就出现咗.防止跳槽.人才既流失..未见工就要先交钱..呢间公司绝对有问题啦..

赞成，都未听过有佄回事啊

骗人的，不要上当

我上一年都试过，同你讲到点好点好，得闲睇下劳工法，任何工面试都不可以收取任何费用的。打工商局电话去告巨啦！

廿蚊都唔放过，一定係 講獰·蟑 出品啦。俾拳佢啦。。。

呃人架，收乜嘢服装费姐

连20蚊都唔放过，千其唔好去啊

已经规定左唔可以以任何形式任何藉口收取面试人员既任何费用，你可以告距架

我好似隐约记得你上次去过保险公司面试噶~`系米啊?

综合各位意见,我都觉得系厄人噶咯```虽然我对上一份工面试果阵都交咗钱,BUT距话系工本费(即距提供噶个人资料填写表)2只蚊...

你自己衡量咯,觉得值得悟值得比呢??正当的公司点会无任何办公设备先得架?!
系,成年冇野做系几郁闷,但悟好为稳工而稳工咯.

楼主，唔建议你试...真系酒店录用你，系唔需要你交付服装费用！

正确做法就系录用后帮你量身，如果你系单位未工作满一年或合同期未满而离职，先有可能要你交付服装费用；有的酒店就系借制服的形式，离职后交回公司，确保完整无损就唔需要俾钱！

楼主，请多个心眼啦！

综合楼上甘多位既意见，加埋我个F既意见，都系话呃人既，所以我都吾系几想再去啦，虽然话系380只蚊，话多吾多，话少吾少甘啦，不过我都觉得有D呃人既成分咯，距连公司具体地址都无比我，果张所谓既“录用通知单”又无公司盖章既

我准备五一后上班，，我间公司我一直都未上过去，，而且连面试都唔洗，直接叫我过去上班。。。但是我间公司都无叫我交任何费用哦。。。未上班就交费的有问题、、

不过我间公司绝对系一间正规公司，我事先通过几次方法查过啦~~呵呵呵

唔使讲嘢，100%揾笨7

啱问过其他人意见，都系话呃人既呢个，所以最后决定吾去，吾做水鱼，多谢晒你地甘多位既意见

橋唔怕舊,至紧要受

金融风暴,一張枱,两張櫈就可以開档揾食咯..........。！

钓鱼呀？得果廿皮！鱼仔都殺喇..........

我都觉得应该系有好大厄人成份咯~！

如果系公司要交都入左职先拉~~无理由要提前交架~！

太吾合理了~！

廿皮都照掠,真係有殺錯冇放過!

咁嘅场面梗系无鞋挽剧走啦，你睇下劳动法就知嘎啦，边有未做野就要交押金啧，100分系流野啦，楼主唔好试添啊~~

无试无去啦，甘多人都一致认为系呃人既，甘距就肯定系呃人既，我都觉得就算交，都应该系出粮果度口，吾应该甘快交，而且吾应该系果个所谓既“经理”亲自收，应该要交去财务果度既

睇过警信都知道系呃人噶啦喵~~~
要都系你做做一个月再系你人工都扣噶啦喵~~~~
你都唔系第一次做野啦喵~~~LZ自己小心D啦喵~~~放人之心不可无啊喵~~

环市东...东兴大厦...
无记错嘅话 貌似一年前我都去过
上到去4楼定5楼，发觉上面似租房多D，行到尽头搵到所谓面试嘅果间房，同条X佬讲左两句，就系问你住边度，识得乜，但系 问得好唔专业，然后就要你攞个身份证睇，然后就叫我交两百蚊...佢仲话佢系正规公司黎，有章噶
我睬佢都傻，走都走唔彻，佢地周围唔少人，几惊俾佢抓住......
然后我有去G4爆料噶   不过睇怕G4都无理到

我想问下楼主之前喺做开边行???
识啲乜呢???可以帮你留意下工作...

雖然睇落去好搵笨實...握錢唔緊要 希望你真係可以搵到份工喇
出糧扣可以嗎

Quote:

引用第23楼gy77gy77于2009-05-01 19:10发表的:
雖然睇落去好搵笨實...握錢唔緊要 希望你真係可以搵到份工喇
出糧扣可以嗎

绝对系搵笨实啊，中国系唔俾有呢样野出现架而家，基本出现咁既情况就系呃钱

Quote:

引用第22楼魚纵彤樂于2009-05-01 14:58发表的:
我想问下楼主之前喺做开边行???
识啲乜呢???可以帮你留意下工作...

之前做EMS后台处理既，我就想稳D文职或者苦力既，吾该先，你Q几多阿？比我加你啦

Quote:

引用第25楼hyw1984于2009-05-02 01:59发表的:


之前做EMS后台处理既，我就想稳D文职或者苦力既，吾该先，你Q几多阿？比我加你啦

咁你想搵文職定苦力呀？

做乜成日要加人Q架？

由你入論壇個日就不停加人Q啦喎！

我無記錯既話

未做先交钱噶工梗係唔好做啦 由其是啲捞头开噶公司 一讲到要收钱 我转头即走 环市路果边啲大厦好多都係皮包公司

Quote:

引用第26楼小加菲于2009-05-02 02:11发表的:

咁你想搵文職定苦力呀？

做乜成日要加人Q架？

.......

方便联络嘛，甘都吾识，吾系马化腾开发呢个QQ即时通讯工具托阿？

呢位朋友~我第一份工距阵时交咗500蚊押金~同埋150蚊服装费用~不过我吾做咗之后~有得退~