社区服务
道具中心
勋章中心

风格切换
blue
wind
yydzh

短消息
收件箱
发件箱
消息跟踪
写新消息

控制面板
控制面板首页
编辑个人资料
查看个人资料
好友列表
用户权限查看
交易币管理
积分转换
特殊组购买
收藏夹
我的主题

统计排行
基本统计信息
到访IP统计
管理团队
管理统计
在线统计
会员排行
版块排行
帖子排行

本页主题: 星爷经典电影对白 (超强收藏版) 打印 \| 加为IE收藏 \| 复制链接 \| 收藏主题 \| 上一主题 \| 下一主题

5000+

要我哋收声！我哋粤大声！

级别: 高人

[1153]

小中大引用编辑只看复制

星爷经典电影对白 (超强收藏版)

0

一本漫畫闖天涯

你老豆有身己..己..己..己..恭喜恭喜。
(阿星表演唱歌)

阿星：話說小明個老豆有三個仔，大仔叫大毛，二仔叫二毛，咁三仔叫咩名？
朱標：三毛！
阿星：錯！
朱標：冇毛！
阿星：錯！
朱標：格肋底毛！
阿星：哈！哈！哈！

《無敵幸運星》

巢家二哥：咁鍾意啜野，啜得好過癮啦？想邊隻手指唔要？
幸運星：隻隻都要架！呢隻愛黎打手指模 (指公)、呢隻愛黎篤人背脊 (食指)、
呢隻問候你老无(中指)、呢隻愛黎戴結婚介子 (無名指)。
巢家二哥：咁手指尾呢？
幸運星：手指尾愛黎撩鼻屎。

《賭俠》

昨日，我菲律賓工人行過街市，聽到有個賣魚佬講話有條友仔叫做賭神，係你。
哈哈……我當堂嚇一跳，然後得啖笑。呢個世界，居然有人自稱為賭神，咁即
係分明當我流唧！拿！我就叫賭聖，你賭啤都要，隱形液晶體眼鏡啦，我睬你都
o徒氣，直情睇穿副牌，呢D就叫特異功能。呢度有隻A士，只要我輕輕一渣，就即
刻變左一隻皺左o既A士，因為我未發功嘛。我發左功變副麻雀出呢都仲得。你話
我果然無厘頭呀，我夠話你訓醒戇九九咯。望咩呀？條氣唔順呀？發個輪黎大家
研究下。當然，你要補番一百幾十萬過我就唔在講架啦。啤咩呀？學野唔使錢呀？
抄底我聯絡電話係香港3345678，我再重覆一次係香港3345678。你唔搵我我冇所謂，因為呢d係你o既損失。十點後鐘唔好打黎，因為我訓左！
(阿星拍攝Video時說)

《整蠱專家》

古晶：來者何人？
車親仁：你老豆呀！
古晶：我老豆，大水牛！我老无，大風爐！若然你再係亂咁認，
我實行燒你本數簿，燒你數簿。
車親仁：你老豆，就係我，你老无，萬幾個，生得你出就唔怕認，
好過你以後調調Fing，調調Fing。
車文杰：番屋企，嚇餐死，差D比你斬開兩尾。
古晶：我同老豆做大戲，現在正係玩到興起，大哥不如o係度換件衫，
同我地做番齣床上戲，床上戲。

車文杰：咩叫洞房呀？
古晶：呢個係一個好生理o既問題。首先男女雙方會處於一個極度興奮o既狀態，
雙方經過一輪前奏之後，男方會將佢果條......
眾人：果條咩呀？
古晶：果條褲頭帶鬆開。然後呢，新娘就會將佢果塊......
眾人：果塊咩呀？
古晶：果塊紅頭巾揭開。然後呢，佢地......
眾人：佢地點呀？
古晶：就開始洞房。
眾人：車！

車文杰：你著鞋唔著襪！
古晶：大方兼老實！
車文杰：你頭髮似堆草！
古晶：唔駛去飛髮舖！
車文杰：你行路似隻貓！
古晶：唔會打大交o羅！
車文杰：但係你講野一舊舊喎！
古晶：似足我地老豆嘛！

我就係風魔萬千少女，改進社會風氣，刺激電影市道，提高青少年人內涵﹐玉樹臨風，風度翩翩既整蠱專家，我個名叫古晶，英文名叫Jing Koo。
(古晶介紹自己)

《新精武門1991》

大爛雄：強哥，呢排李sir昅得咁緊你知架啦，我地講數都要轉下方式。
灣仔個地盤就用"山竹牛肉"黎做代號。
強哥：好呀，大爛雄，以前我都益過你唔少好野，今日你應該比我食左呢碟
"牛肉"啦！
大爛雄：比你食左我隻"牛肉"，我點向D"馬仔"交代！
強哥：挑！你大我呀！你當我西環D"鳳爪"流架？
大爛雄：咁講落去，都係兩敗俱傷o既姐，如果你比碟"牛肉"我食o既，
我將旺角兩個"雞扎"比左你！
強哥： "雞扎"我夠有啦，拿，最多我加多三碗上個月o係越南運黎既"蓮子羹"比你o勒！
大爛雄： "蓮子羹"有咩用呀？我屋企仲成箱"菠蘿"添呀！
大爛雄：唔好講o勒，我再大方D，加多碟"肉片炒河粉"比你，你知D粉幾好利錢架o勒，而家成碟炒比左你喎！唔夠呀？搭多兩條"油菜"o勒！
強哥： "油菜"咩意思呀？
大爛雄：冇咩意思架！諗住加D色水好睇D咋！
強哥：挑！大爛雄呀！識左你十幾年都唔識轉膊架！呢碟"牛肉"我地就一人一半！
大爛雄：唔得！我要一個人食晒！
劉精：各位！唔駛爭呀！要多籠咪得咯！

(瀟洒為避貴利佬追債，叫張權扮警察)
瀟洒：呢位就係蘇格蘭場特派駐港香港秘密警察第九中隊飛虎隊o既大隊長張權。
貴利佬：大炮權，你幾時做左飛虎隊隊長呀！
瀟洒：乜你地識o既咩下？
張權：大舅。
瀟洒：大舅！咁你做雞o既老婆咪即係佢細妹？
貴利佬：你講咩呀！
瀟洒：我冇嫖佢呀！咁o既料點嫖呀！
張權：咩呀？
瀟洒：咁呀係我唔o岩o既，自己友應該幫襯下嘛，下次一定幫襯，一定嫖你老婆，一定嫖番次o既。
貴利佬：咩話！
瀟洒：其實做雞o既細妹都冇乜唔好呀！起碼都係自力更生正當職業呀！下話......做雞又點夠做大耳窿好呀，下話，做雞得雞碎咁多，你就撈到盤滿砵滿，
所以大耳窿好過做雞。
張權：仲講！
瀟洒：做雞都o岩架，我地男人鍾意叫雞呀嘛，所以叫雞係天公地道o既事呀嘛，所以你老婆呢，係應該做雞，最好就一世做雞添。佢為人民服務，為男人
解決，分分鐘可以諾貝爾金雞獎。

《逃學威龍》

周星星： Morning Sir！周星星報到。
Sir：真係抵死，仲咁青靚白淨。轉個圈比阿Sir睇下，唔駛怕醜架，黎呀。
(周星星轉圈，阿sir吹口哨，又伸手摸佢)
Sir：情不自禁，真係唔好意思。想唔想扎呀？
周星星：我唔想做鴨，sir。
Sir：我問你想唔想扎呀？
周星星：我係唔會做鴨o既，sir。
Sir：九唔搭八，我問你想唔想升級呀？
周星星：想，但係我係唔會出賣自己o既貞操o既，sir。
Sir：邊個要你o既貞操姐，我要你o既青春呀。
周星星：青春對於我黎講同貞操一樣咁重要，sir。

周星星：較剪腳喎，你話笑死唔笑死。
達叔：唔係呀！佢以前真係好勁架。
周星星：以前咋下話。
達叔：一個打廿個。
周星星：打廿架飛機就有佢份。

阿麻：請飲茶！
周星星：唔該，唔該。
阿麻：你地係同學呀？
周星星：係呀！係呀！
阿麻：一齊讀書架？
周星星：係呀！係呀！
阿麻：書友黎架？
周星星：係呀！係呀！
阿麻：你地係同學呀？
周星星：係呀！你點知架？

周星星：教書我冇乜信心。
阿頭：唔係叫你扮教師，叫你扮學生。
周星星：扮學生！我當年就係因為至憎讀書先至加入警隊，我唔可以扮學生架！
阿sir，你咁樣做，就等如將我帶去一個滿佈毒蛇猛獸o既火山口上面，
唔理我o既哭叫，唔理我o既哀號，狠狠地、亳無憐憫地，將我用腳一伸，
伸入火紅o既岩漿裡頭，你咁做又於心何忍呢？

阿頭：咁咪好o羅！等你活得豐富，死得精彩！唔駛講啦，吟詩都吟唔甩架啦！

《情聖》

(Apple碌了落樓梯)
程勝：冇事嘛？
Apple：冇事，好彩撻地都唔係好硬姐！
程勝：係！(踏地兩下)真係幾"林"喎！碌多次玩下o羅？

周潤發：你究竟係何方神聖？
程勝：江湖險惡，我從來都唔輕易留低我o既姓名。
周潤發：你既然唔肯留低姓名，就留低人頭啦！
程勝：我一生孤獨，唯一相依為命o既就只有呢個人頭，你要?佢走，怕且都唔係咁易喎！
周潤發：好！係你迫我出手o既，我要用你o既鮮血染紅呢片大海。
程勝：我一生漂泊，就仿如汪洋裡面一頁孤舟，早將生死置之度外。

周潤發：喂喂喂！你地執番好間屋未呀？
阿萍：放心啦！一D証據都冇留低，保證屋主番黎唔會發覺。
程勝： D指模呢？
眾人： ..........
程仙：所以你地始終都係未夠班，全屋o既指模已經比我用毛巾抹乾淨，條毛巾亦已經化為灰燼。
程勝： D灰亦都比我撈埋D蚯蚓Dum落鹹水海度餵泥蜢。
程仙：今朝我將D泥蜢釣晒上黎煲成泥蜢粥，比佢食左落肚。
程勝：經過我o既消化，而家所有o既證據，已經變成一篤屎。

《家有囍事》

常歡：何小姐，介唔介意望住我雙眼呢？
何里玉：咁又點呢？
常歡：似邊個？
何里玉： E.T？
常歡：多謝！但係可唔可以再望真D，睇下發覺到D乜野？
何里玉：好大對眼袋呀！
常歡：對唔住，呢排比較夜訓左D，介唔介意再仔細D睇下，睇下裡便.....
何里玉： OH！好大粒眼屎呀！

(常歡患了無定向喪心病狂間歇性全身機能失調症的病徵)
醫生：佢o既病徵包括有抑鬱......
常歡： (喊)
醫生：癲癇......
常歡： (抽筋)
醫生：精神分裂.....,
常歡：邊個淫蕩呀？你淫蕩。邊個淫蕩呀？我淫蕩。
醫生：輕佻驕傲......
常歡：哼......(咬著牙籤)
醫生：冇大冇細......
常歡： (衝前錫了sheila一啖)
常滿：嘩！大媛都錫，你真係冇大冇細呀你！
醫生：就係咁啦！有犯罪傾向......
常歡：家陣老粒呀！除左條底褲出黎！....唔係要錢呀！要條底褲呀！咩呀？底褲都唔著？ (一刀插向枕頭)
醫生：月經前緊張......
常歡： (唔知點做) 你玩我呀四眼仔？

《逃學威龍2》

周星星：大家聽住，我地而家要搵o既人呢，係一名中國籍鬍鬚肥佬，有冇發現？
飛虎隊甲：冇發現呀sir。
飛虎隊乙：阿sir呀，咁佢有咩特徵呀？
周星星：特徵？......猥瑣，非常猥瑣。
飛虎隊丙：咁佢人品好嘛？
周星星：叫你相睇呀人品點。邊條粉腸o係度亂咁問呀？

周星星：有冇見Terminator呀？
學生：邊個Terminator呀！
周星星：占士邦呀？
學生：邊個占士邦姐！
周星星：訓導主任呀？
學生：邊個主任訓左o係度呀！
周星星：拖出去打！
飛虎隊甲： Yes Sir！

問世間情是何物？直教生屎相許，烏啄啄兮烏啄啄，莫奈何兮莫奈何，你阿媽兮.....
(達叔失戀吟詩)

《審死官》

賓少：我阿財係花旗國買番黎o既狗王喎！
宋世傑：我阿福夠o係法蘭西買黎o既賤人咯！

呢個女人個老公，係比呢個女人個老公o既大佬同呢個女人個老公o既大佬o既老婆毒死，
呢個女人o既老公o既大佬同呢個女人個老公o既大佬o既老婆仲陷害呢個女人，
話呢個女人殺死呢個女人o既老公，好彩呢個女人有個妹仔話比呢個女人知，
個女人就溜夜走出黎搵呢個女人o既二哥，點知呢個女人o既二哥又爛賭又冇人性，
呃晒呢個女人o既錢，仲將呢個女人賣比呢個女人o既二哥o既同姓兄弟做老婆，
後來呢個女人o既二哥，仲Dum低埋呢個女人自己走左去，咁呢個女人就跟左我番黎。
(宋李氏解釋為何帶楊秀珍回家)

《鹿鼎記》

建寧︰整個至靚仔o既樣出黎睇下？
韋小寶︰唔需要！家陣經已係。
建寧︰哈哈..咁整個至醜樣o既樣出黎睇下？
韋小寶︰唔得喎！點整都唔會醜架喎！
建寧︰哈哈哈哈...咁整個至淫賤o既樣出黎睇下？
韋小寶︰更加唔需要！你照一照鏡就係。
建寧︰我呀？哈哈哈哈哈哈..

善有善因，惡有惡報，天理循環，天公地道，我曾誤渣龍o者，今日皇上渣我，
實在渣得有教育意義之極，我對皇上景仰之心，有如滔滔江水綿綿不絕，
又有如黃河氾濫，一發不可收拾。
(韋小寶被皇上報一渣之仇時說)

建寧︰喂喂喂，不如你扮龜！
韋小寶︰ o係，對唔住，扮乜都得，但係我唔會扮龜。
建寧︰點解呀？
韋小寶︰呢個係我原則黎。
建寧︰咁好啦，你唔扮龜，就要比我打！
韋小寶︰咁好啦，我扮龜。
建寧︰我又唔要o勒！打！
韋小寶︰哎呀！...我都係扮龜，扮龜好過癮架！

《鹿鼎記2神龍教》

多隆︰大人，我預備左d好野幫得你手。淫不風流枉少年！淫賤麻麻咸外父！淫那琵琶小喇叭！
大人，呢三隻春藥當今世上......
韋小寶︰都算最渣o勒。睇我D啦細佬！
多隆︰嘩！乜家伙？
韋小寶︰除左天下第一淫藥「奇淫合歡散」之外，「我愛一碌葛」實在可以稱霸淫賤界。呢劑野莫講話唔掂得，聞下都唔掂呀！
多隆︰咁犀利？
韋小寶︰試下你就知！ (灑向多隆，但誤中另一人)
多隆︰犀利成點呀？
韋小寶︰顧名思義，呢劑野毒發o既時候，中毒者就會對條狀或者碌狀o既物體黎發姣，不停咁追住黎索吻，無論你點樣反抗，甚至乎奚落佢，或者毒打佢，佢都一樣勇往直前，唔會放棄。

《逃學威龍3龍過雞年》

湯茱迪︰我屋企個老公唔係我老公黎架！
陳sir︰我唔係好明喎，你講清楚D。
湯茱迪︰你地個黎sir幫我搵番個老公，同我個老公一模一樣o既呢，但係我番屋企就發覺，同我老公一模一樣個老公，根本就唔係我老公。
陳sir︰黎sir幫你搵番個老公，個老公個樣同你個老公一樣，不過你發覺呢個老公唔係果個老公？
湯茱迪︰佢根本就唔係我老公。
陳sir︰咁你即係懷疑呢個類似老公o既物體唔係你老公。
湯茱迪︰咁上下啦！
陳sir︰咁你應該搵黎sir嘛！
湯茱迪︰我打過電話搵黎sir，點知有個唔係黎sir o既黎sir，話而家呢個唔係我老公o既老公係我老公喎。
陳sir︰呢個唔係黎sir o既黎sir扮黎sir話比你聽呢個唔係老公o既老公係你老公。
湯茱迪︰咁上下啦！

《唐伯虎點秋香》

稟夫人，小人本住在蘇州的城邊，家中有屋又有田，生活樂無邊，點知個唐伯虎，佢橫蠻不檢點，勾結官俯無目天，巧取亳奪我家田，我阿爺同佢反面，慘被佢一棍來打扁，我阿麻鬧佢欺善，更被佢捉了去唐府，強姦了一百遍，一百遍，最后仲懸樑梁自殺慘無邊。佢還將我父子，趕出了家園，流落到江邊，我為求養老父，只有獨自行乞在廟前，點知個唐伯虎，佢實在太陰險，知道此情形，竟派人來暗算，把我父子狂摳在市前，小人身狀健，殘命得留存，可憐老父佢魂歸天，
此恨更難填，我為求葬老父，唯有賣身為奴咁作賤，一面勤賺錢，一面讀書篇，發誓要把功名顯，手刃仇人意志堅！從此唐寅詩集伴身邊，我永記此仇不共戴天！！！
(唐伯虎向華夫人解釋時rap出來)

周星馳︰燒雞翼, 我鍾~~~意食
朱鐵和︰但係你老无講你就快釘
朱咪咪︰愈係快釘之所以愈要整多隻，如果依家唔食以後冇機會再食
朱鐵和︰你真係就快釘？
周星馳︰我真係就快釘
合︰如果依家唔食以後冇機會再食

死做爛做似隻雞，比人鬧仲要開口笑，似隻雞，好好笑！比人鬧仲要笑笑口，似隻雞，好好笑！
(華府低等下人之歌)

好在我拼命咁護住塊面，咁我英俊o既相貌先得以保存，今晚就搵機會向佢來表白，看妳個秋香對我動情不動情？
(唐伯虎詩)

我心又悲我心又痛，八個老婆都sa li 龍虫，人家當我享盡齊人福，查實空虛寂寞兼且凍兼且凍。
(唐伯虎詩)

順利過關成為書僮，一切都盡在我掌握中，越黎越接近秋香姐，今日o既心情確係唔同，呀確係唔同。
(唐伯虎詩)

山下一群鵝，噓聲趕落河，落河捉鵝醫肚餓，食完番歸鋤老婆。
(四大才子對聯)

桃花塢裡桃花庵，桃花庵下桃花仙，
桃花仙人種桃樹，又摘桃花換酒錢。

別人笑我太瘋癲，我笑他人看不穿，
不見五陵豪傑墓，無花無酒鋤作田。

唐伯虎︰喂！明益街坊呀拿！全新第一手好靚孝子大平賣呀！唔買都尼睇下啦喂！......好慘呀真係！
石榴：靚仔呀，你晨早留留o係度賣身葬父，好大吉利是架o咼！
唐伯虎︰唉！我都唔想架！
秋香：點解你咁熟面口o既？我地o係邊度見過？
唐伯虎︰所謂相逢何必曾相識呢！不如兩位姐姐仔可憐下我把啦！
石榴：真係慘o羅！還店我地爭個下人，不如就......
男子：好慘呀！賣身葬陷家！
唐伯虎︰唔係呱！
男子：兩位姑娘，可憐下我啦！我陷家六件，一晚死晒，身染十級肺癆，半賣半送，你買我啦.....
秋香：石榴呀，佢又真係慘好多呀，不如都係買佢番華府把啦！
石榴：咁就買佢啦！
唐伯虎︰姐姐，我黎先架喎！
秋香：呢個唔係先後o既問題嘛！
石榴：係羅，人地死六件，你先死得果一件，我都好想幫你呀，但係好難做架嘛。
唐伯虎︰但係我都慘架o番！
石榴：咁你有咩慘野你晒埋出黎啦！
唐伯虎︰咁我....我....你睇我幾日冇剪指甲，捆晒黑邊架啦，唔通咁都仲唔夠慘咩！
旺財： Out...Out..
男子：旺財...旺財...旺財你唔好死呀旺財...你跟我咁耐，對我有情有義，肝膽相照，但係大佬未曾比過一餐飽飯你食，我對你唔住呀.....
唐伯虎︰小心呀！(石榴踩死一隻蟑螂)
唐伯虎︰哎呀！小強！小強你點呀小強！小強你唔好死呀小強！
我同你相依為命、同甘共苦左咁多年，已經當你係我親生骨肉咁供書教學，
估唔到今日白頭人送黑頭人...呀。

如果我再賭錢o既話，我就比天下最醜樣o既女人日夜輪姦至體無完膚搖搖欲墜為止。
(祝枝山發毒誓)

《破壞之王》

差人甲︰咩名呀？
何金銀︰何金銀！
差人甲︰身份証呢？
何金銀︰亞Sir，你睇我全身仲邊度可以攝得落張身份証呀？
差人甲︰咁你認唔認得果個老凹你個樣個"忍"呀？
何金銀︰唔明！
差人甲︰我問你呀，認唔認得"老凹"你個樣個"忍"個"忍"樣呀？
差人乙︰等我黎啦師兄！
差人乙︰呀Sir問你呀，認唔認得"老凹"你個"忍"個樣呀？

除暴安良係我地做市民o既責任，而行善積德亦係我本身o既興趣，
所以拖阿婆過馬路我每星期都做一次，星期日同埋公眾假期有三四次添o既。
(何金銀接受訪問)

我地o既菠蘿飽裡面真係有菠蘿o既，我地o既西多士真係有屎o既！
(老闆為榮記茶餐廳宣傳)

《九品芝麻官》

(雷豹追蹤江洋大盜到戚家的婚禮，戚家眾人在找包龍星，但找不見，原來他在檯底)
下人：大人呀，人地踩過界，我地仲匿埋檯底咪好冇面？
有為：咪嘈啦，係豎抖涼咪幾好。
包龍星：佢而家氣勢強，我專登壯大佢個膽先，等佢呢就容易做錯野，個氣勢會轉番弱，到其時呡我出其不意行出去煎佢o既皮，拆佢o既骨。
(這時包龍星才發現雷豹在他身後)
包龍星：咩姐！我o係度研究點食乳豬你都要偷聽o既！

(尚書大人問包龍星遭誰人陷害)
包龍星：果個人就係常威，佢老豆就係水師提督常昆果個仆街陷家產！
尚書：你地認為應該點做呢？
包龍星：我恨不得將佢兩父子o既人頭.............?黎擤屎。
有為：阿叔你擤完就比我擤。
包龍星：你擤完比番我，我再擤。阿伯你有冇興趣，我借你擤一下。

有為：你判左死刑呀！
包龍星：死刑！
有為：係呀！佢地話你勾結江洋大盜，推阿婆落海，販賣軍火，強姦隻豬。
包龍星：我絕對冇強姦隻豬！

《國產凌凌漆》

007：咁多年啦，我以為國家已經將我忘記左。
司令：點會呢，就算係一張廁紙一條底褲都有佢o既作用架嘛。
007：呢個比喻真係一流。

唉~~~你咁樣做係無用架，好似你呢D咁出色既男人，無論匿嚮邊度，
都好似漆黑中既螢火蟲一樣，咁鮮明，咁出眾。你憂鬱o既眼睛，唏噓o既鬚根，
神乎奇技o既刀法，同埋果杯 Dry Matinee……都徹底將你出賣左。雖然你係咁出色，但係行有行規，琴晚果個筆過夜數你都未找，叫雞唔洗俾錢呀？

007：今次我接受國家o既任務，亦都係有備而黎，好似呢個Model F40咁樣，
表面上係個大哥電話，但係你睇到呢度有層白金屬網膜，實際上，佢係一個鬚刨尼，呢個係方便我地出席一D宴會場合，能夠神不知鬼不覺咁剃鬚.......呢個Model 911，表面上係一個鬚刨，實際上，佢係一個風筒尼。
阿琴：駛唔駛咁多風筒呀？ (拿起另一個風筒)
007：風筒只係佢表面o既掩飾，事實上，佢係一個鬚刨尼，問你死未？
阿琴：唔怪得知你咁靚仔啦！
007：又唔好咁講。
阿琴：咁你唔見左個風筒呢，唔知點算呢可？
007：難我唔到，我並唔係浪得虛名，其實我著緊呢對鞋，都係一個風筒。

《西遊記101回之月光寶盒》

至尊寶：邊個？
菩提老祖：我咪你帶番黎果揪菩提子o羅！
至尊寶：你係菩提子？
菩提老祖：唔係，我係菩提老祖呀！
至尊寶：咩「唔提老母」話？
菩提老祖：你講粗口，我係菩提老祖呀！我係神仙呀！我化做提子黎救你架！
至尊寶：你撻左我揪菩提子，仲「唔提老母」！

春三十娘：比把劍佢！
二當家： (把劍遞給至尊寶)
春三十娘：佢呀！
二當家： (把劍遞給白晶晶)
白晶晶： (把劍抽出，順勢"片"了二當家一下)
二當家：哎呀！你片左我大比一野呀！
白晶晶：我有心o既！
二當家：啊，咁你開張單尼我比番錢你！
白晶晶：唔駛客氣！

春三十娘：裡面點呀？死得未呀？
至尊寶：你死我地都未死呀！我地乜事都冇呀！晶晶姑娘不知幾靚女，
我就照舊靚仔到不得了，我地不知幾靚仔靚女。

《西遊記大結局之仙履奇緣》

至尊寶：貴姓呀先生？
青霞：姓林。
至尊寶：原來你就係我大佬講果個林青霞。
青霞：你大佬？
至尊寶：琴日比你打果條粉腸叫做至尊寶o既呢！
青霞：咁你呢？
至尊寶：我係佢孖生細佬至尊玉。
青霞：至尊寶至尊玉，你想呃我呀？
至尊寶：你真係冰雪聰明，其實我大佬個真名叫秦漢，我叫秦祥林

曾經有一份至真o既愛情擺o係我面前，但係我冇去珍惜，到冇左o既時候先至後悔莫及，塵世間最痛苦莫過於此。如果個天可以俾機會我番轉頭o既話，我會同個女仔講我愛佢，如果係都要o係呢份愛加上一個期限，我希望係，一萬年。
(至尊寶戴上頭箍前說)

Only You，Can Take Me取西經，Only You，能殺妖精鬼怪，
Only You，能保護我，唔比D蚌精蟹精嗒我，只有你咁勁，
就是Only You，OnOnOnOnOnly You，莫怪師傅喑沉，戴番個箍，
莫怕死米發Ti Teng，碰到釘米驚，I Understand，要全力地去Do，
要驚就兩分驚，喃嘸啊呢陀佛。
(唐僧唱Only You)

做咩呀？你愛呀？你愛要出聲先得架，你愛我比你，你唔愛我當然唔會比你啦！
無理由你話愛我唔比你，你唔愛我比你架嘛！大家講道理嘛！拿，我數三聲，你話愛唔愛喇喎。
(唐僧向孫悟空說)

菩提：你暈左o既時候，叫左晶晶呢個名九十八次。
至尊寶：晶晶係我娘子。
菩提：仲有一個名叫紫霞o既你叫左七百八十四次。
至尊寶：喂！
菩提：七百八十四次，阿紫霞梗係爭你好多錢。

所以話做妖同做人一樣，都要有仁慈o既心，有左仁慈o既心，就不再係妖，係人妖。
(唐僧向妖魔講道理)

《回魂夜》

鐵膽：拿，差唔多掟野落黎架啦！呢個禮拜掟左三晚野落黎架啦！先旨聲明呀，邊個放手先邊個輸架！
阿強：唔止呀！邊個走開就輸雙倍呀！
大孖： D人又會掟野落街咁無聊o既！
細孖：無聊得過我地o係度等佢掟野落黎！

好話唔好聽，我由BB仔開始已經見過飛碟，即係世人所講o既UFO，不明飛行物體你懂唔懂？4歲果年我又見過傳說中o既尼斯湖水怪，又同喜瑪拉雅山o既大腳八傾過偈猜過枚，再加上我由細到大日日朝頭早都玩過山車，晏晝就玩海盜船，亦都會朝頭早玩海盜船，晏晝先玩過山車，黃昏再玩多次海盜船都試過呀我話你聽。

(Leon解釋自己為何如此大膽)

鐵膽：你比隻野摙到七孔流血你都唔死得o既？
Leon：七孔流血還七孔流血，死還死，兩樣野黎o既，千期唔好混淆。

《大內密探零零發》

病人：大夫，我...
零零發：開劑藥過你好嘛？
病人：米咁心急咋，聽我講埋我有乜野唔妥先啦！
零零發：咩唔妥都係開劑藥o既姐，冇第二條路行架啦！
零零發：藥......比錢......送客。
病人：大夫，我一場黎到，比我講埋我有乜野唔妥先啦！拍攔檔啦！等我講埋先啦！
零零發：我比你講，一路行番屋企一路講oY，到屋企都仲未講完由頭再講多次添oY！下一位。

佛印：好啦！好啦！即刻頒埋今晚o既壓軸大獎，相信大家一定估到o既，
冇錯，最佳男主角就係................阿發外父！
阿發外父：哈哈哈哈..我知架，如果唔係我?邊個?姐！哈哈哈...我見到佢入左雞竇呀！
零零發：米住先下，對唔住。正話果場戲我由頭帶到尾架嘛，係水準之作有目共睹架啦！你點會比果條契弟。
佛印：你都唔錯，但係流於表面，好似頭先老婆聽你心跳果場戲呢，表情做作，略嫌浮誇o番。
零零發：呢D係世俗人對我o既睇法姐，你0冇理由都唔識貨架！

《食神》

鹼水麵冇過冷河，所以成碗湯有鹼水味。魚蛋亦都冇魚味，但係你為左掩飾，
專登加D咖喱汁將佢做成咖哩魚蛋，但係咁做太天真，因為你煮o既時間唔夠，
咖喱味根本只係o係表面，而冇入到裡面，掂到湯之後重要沖走埋。
好好地一粒咖喱魚蛋，俾你整到冇魚味亦都冇咖喱味，失敗！
蘿蔔冇揀過啦，太多渣，失敗！D豬皮又煮得太淋，冇咬口，失敗！
D豬紅鬆泡泡，一夾就散，失敗中o既失敗！最慘係D大腸，入面都未通乾淨，重有舊屎，
你有冇攪錯呀？

佢高傲，但係宅心人厚；佢低調，但係受萬人景仰；
佢可以將神賜俾人類o既火運用得出神入化，做出堪稱火之藝術o既菜式！
究竟佢係神o既化身，定抑或魔鬼o既使者？冇人知，但係有一樣o野可以肯定o既，每個人都會俾一個稱號佢──食神！
(司儀介紹食神)

爭咩丫，溝埋黎做個瀨尿牛丸丫，笨！

張檯有咁窄得咁窄，張凳有咁迫得咁迫米等D友坐得咁舒服，食完拿拿聲好走，
支飲管有咁粗得咁粗，冰有咁大舊放咁大舊，杯汽水咪chur一聲飲完買過第二杯o羅。

好輕功，輕功奧妙之處係可以令一個好似海狗咁重o既人，飛到老鷹咁高，
其間仲可以鬼殺咁嘈。好摺凳，摺凳奧妙之處係可以藏於民居之中，隨手可得，
而且仲可以坐住佢黎掩藏殺機，就算比差人拉到亦都銼你唔入，真不愧為七種武器之首。
(味公主的評述)

從來冇試過咁清新脫俗o既感覺，牛肉o既鮮、瀨尿蝦o既甜，
溝埋一齊o既味道竟然比老鼠斑有過之而無不及，簡直比我o既初戀更加詩情畫意，
所謂「舉頭望明月，低頭思故鄉」，好詩！好詩！
(基哥食完瀨尿丸後的感覺)

《97家有囍事》

老老頭：好耐冇見啦喎，你好嗎？
萱母：好！你老婆呢？
老老頭：過左身啦！
萱母：好！
老老頭：你先生呢？
萱母：都係過左身啦！
老老頭：都好！

《算死草》

不愧為一條盪氣迥腸o既漢子。
(陳夢吉對洪十八說)

陳夢吉：仁哥，過黎，請企o係此房間切勿行開，將會有一大水柱由此窿射向你面之際，請將此豬利塞向此窿，明解冇？......講次聽下。
阿仁： ..........
陳夢吉：屌，陣間有條老連咁大o既水柱，o係呢個窿度射到你個陷家產一面都係o既時候呢，你就將呢條仆街豬利塞去你老无呢個窿度呀！！！
阿仁：啊！早講啦你！
陳夢吉：賤格！

公子：再考你，一點一畫長，長長o彭支槍，阿木對阿木，阿公冇左一忽肉。係個咩字？
陳夢吉： Wo..,比啖粥水食下好喎！
公子：考起呢！答案就係──中文字，好多人以為英文字黎架！

《千王之王2000》
介紹呀Pizza男朋友比你識，個髮型又豬dum兜D，又搵唔到錢，又冇乜讀過書，
D性能力又麻麻，不過都算一表人才呀。哈哈..
(Wasabi介紹梁寬)

(黃師虎出席生日派對)
眾人：好野！好野！ (拍手)
黃師虎：呀對唔住，今日其實唔係我o既生日，係我老豆o既忌辰，因為我老婆搞錯左o既姐，所以大家其實唔駛咁開心。
眾人：唉......
黃師虎：不過大家亦都唔駛咁傷心，因為基本上呢，我老豆係一個仆街黎，
佢打劫殺人強姦無所不為，咁佢死左呢，我覺得都係社會之福黎。
眾人：咁就好啦！好野！(拍手)
黃師虎：不過....我老豆其實真係好錫我，佢打劫銀行呢，其實都係想買架玩具車比我，殺人係因為有條友話我唔靚仔，強姦婦女係因為我同佢講我想要個妹。
唉..我......我老豆真係一個慈父黎架。
眾人： (喊)

點解你鍋鍋受傷硬系無野既？你睇左邊個醫生來啊？
我唔系好記得左！
都好既，記憶系痛苦既根源，你能夠唔記得，系你既福氣！
聽你甘講，暗藏噓唏甘渦！
問君能有几多愁，恰似一江春水向東流！
喂，行开啊～借借啊唔该～打爆你眼镜
你睇個四眼仔，清明都未到，攔副棺材板周街行。

包租婆————
點解剎時間會無水呢？
你班契弟，呢個月租又唔交，仲甘多野講！
但系我既頭洗到一半，你來關水喉。
我何止關水喉啊，從聽日開始，逢一三五進行制水，二四六間闕性供水！等你班友鬼煞甘噪，吹啊！

Goodmorning !包租婆！
骨你老豆，再唔交租就燒你間鋪！

[ 此贴被love208784在2009-02-26 16:58重新编辑 ]

本帖最近评分记录：

银纸:5 | 操作人: wuyazi | 理由:

请多多支持软硬兼施版块

顶端 Posted: 2009-02-26 16:39 | [楼主]

Mc.大儍儍 在线时间：7422小时
在线等级：38级
升级剩余时间：368小时

级别: 强的不是人

[15638]

小中大引用编辑只看复制

强的不是人..

顶端 Posted: 2009-02-26 16:42 | 1 楼

傻哥

中流砥柱剑走偏锋

级别: 仙人

[3065]

小中大引用编辑只看复制

整蛊专家

华：成晚去边来啊？
星：无，系街口戏院门口见到只猫追只狗喔……
华：睇0左成晚呀？
星：0甘距追0左成晚，我米要睇0左成晚0罗，有咩法子呀！

顶端 Posted: 2009-02-26 19:00 | 2 楼

肥牛肉

信望愛

级别: 普通人

[14159]

小中大引用编辑只看复制

整蠱專家
我要努力向上
不枉諸君寄望
我要努力向上
要令朋友滿心歡暢
hey 青年人要努力
休悲愴休悽涼
總之但憑我力量
先要堅定我志向
我若再受挫折
努力但憑力量
心中滿是悲傷
他朝得意樂洋洋
hey 良朋情長
良朋相勉勵情誼難忘
良朋恩高好比萬丈
周星馳︰「等等先，企好未呀﹖」
劉德華︰「企好啦。」
良朋解我愁懷愁腸
解我憂鬱冇惆悵

I see,I go,I conquer.

顶端 Posted: 2009-02-26 19:37 | 3 楼

5000+

要我哋收声！我哋粤大声！

级别: 高人

[1153]

小中大引用编辑只看复制

好多人也记得星爷的对白，但点解甘少人顶贴，真是无奈

请多多支持软硬兼施版块

顶端 Posted: 2009-02-26 20:07 | 4 楼

wuyazi 在线时间：294小时
在线等级：7级
升级剩余时间：56小时

级别: 圣人

[1189]

小中大引用编辑只看复制

真是好经典，但是太长，没耐性睇。

顶端 Posted: 2009-02-26 20:39 | 5 楼

愤怒的拳头

级别: 新人

[49]

小中大引用编辑只看复制

如果再配起粤语原生的MP3那就好了！

顶端 Posted: 2009-02-28 12:13 | 6 楼

risunppc

级别: 新人

[1]

小中大引用编辑只看复制

的确系好经典，如果用视频又或者用音频播出来甘样仲好。

顶端 Posted: 2009-02-28 12:44 | 7 楼

owenrjh 在线时间：617小时
在线等级：10级
升级剩余时间：33小时

级别: 普通人

[134]

小中大引用编辑只看复制

写出来睇好似冇乜感觉，表演先有feel！！！

顶端 Posted: 2009-02-28 21:20 | 8 楼

junting 在线时间：568小时
在线等级：10级
升级剩余时间：82小时

级别: 新人

[107]

小中大引用编辑只看复制

《新精武門1991》
瀟灑：“唔似貓，唔似狗，師奶淫得很”~
阿伯：咩“唔似貓，唔似狗”啊?
瀟灑：“魚翅包，魚翅餃”！
阿伯：咁“師奶淫得很”呢？
瀟灑：“鮮蝦銀針粉”

《國產凌凌漆》
文西：阿漆，咁多年利，你都係做豬肉佬啊？
阿漆：係一個唏噓嘅豬肉佬！
文西：我又何嘗唔係一個坎坷嘅賣菜仔，好彩有份兼職，喺中央精神病院做研究工作。
司令：負責做D咩咖？
文西：比人研究！
司令：不錯····

顶端 Posted: 2009-03-03 10:43 | 9 楼

monkeydluf