果晚叫咗一条寡佬同一条女另加两PAIR出嚟唱K，本来我的任务就是介绍条女比个寡佬的（以下称A男同B女大家会好睇D），A男之前都几DOWN下，又无钱又无女，咁啱B女话一个人几闷下，就叫咗佢地出嚟唱下K，认识下咁啦。
去到见到A男的装扮都几OK，十足个有钱仔咁（落足本钱喔）。等埋B女嚟到，见到D衣着都还可以（都可以出得到嚟见得下人，唔会太差）。我本人的衣着十足个阿叔咁……（唔好笑，係专登的，费事比人话我打扮得IN），唱K果时大家都几好倾咁，A男同B女一开头都有倾下笑下咁，我以为都已经OK啦，过咗一个钟头左右，B女过来稳我玩色盅，我就叫埋A男同B女一PAIR，我同另外一个女的一PAIR。玩下玩下，B女自己话要同我一PAIR，因为我玩得好差，要带我（顶，我自己专登输的，B女赢就当然啦）。咁无办法，我同她PART铺铺都赢，搞到A男饮咗唔少。我果时就问A男：“有无‘抄单’？”A男话等下先，我晕……我同佢讲：“自己把握好机会啦，人哋今晚唔打算翻屋企噶啦。”A男“喔。”咗一声，我以为佢会识DO啦。到后面A男输到A咁，饮咗半打都有（啤酒），无酒饮时又到时间，我叫A男：“送埋人翻屋企喔。”佢又“喔。”咗一声，我同B女话：“A男佢醉了，佢都系住你果边，你同埋佢一齐走啦，我有下场。”点知B女话：“你有下场？带埋我啦，我都仲未想翻屋企……”我叫住A男：“喂，A男，仲有下场啊，唔好上车至……”都未讲完，B女话：“由佢啦，佢都醉了，点同你去下场喔。”我心谂：今次真系大剂了……
你哋话了，点解呢……
后尾A男仲要问我B女的电话几多，你哋话我比唔比佢好？
