今日,翻工嘅时候同帮工友吹水(湖北的),我问佢:"你会不会听白话(广东话)?",佢答我:"会",之后我问佢:"有无有想过学讲白话啊?"佢竟然答我:"不想,说白话就是落后的证明,说明你落后,现在都推广普通话了,还说什么白话,白话在不久的将来就没有人会说的了!"我听后,无言.
呢件事令我冧翻起好耐之前睇嘅一份报纸,份报纸报告广州某小学一个小学2年级嘅学生仔系课间,记得系
课间用白话同同学仔倾计,比训导主任听到,竟然比佐过记大过处分,我又实属无言.
再睇下我身边嘅好多广东小朋友,普通话讲得比白话要好.唔通白话嘅未日真系好快就到????我觉得推普通话,系无理由=抹杀广东话咖...对不对???听讲,E+好多学校都唔可以系学校入面讲白话,就连下课时间都唔比,好似对广东话进行赶尽杀绝咁....心入面嘅感受真系唔多好受..T_T...其实我系认为,普通话系要学好,但系广东话系我哋嘅根本,唔应该唔比我哋讲白话,更唔可以话我哋讲白话系落后,对无?
作为讲广东话嘅我,真系唔想广东话会系地球上消失.所以我系今日起,我会做到以下几点:
1.在以后有佐仔囡后,一定要佢哋讲好白话.(虽然有排都未结婚)
2.在生活上,可讲广东话可讲普通话嘅时候,我一定讲广东话.
3.无论对咩人,我首先都系会用广东话先问候一声:"你好"
4.如有人想叫我教佢广东话,我一定会教好佢讲广东话.
5.如果人哋识听唔识讲广东话,我都一定会用广东话讲嘢.
6.无论讲咩嘢口头禅,都只会用广东话嚟讲(如"靠"等字,我绝对唔会讲)
7.无论我闹人(虽然我极少闹人),我都只会用广东话闹.
8.只会讲广东话嘅急口令.
E+就先冧到呢几点,不过我讲得出嘅,我一定会做到.作为讲广东话嘅我,虽然渺小,但我都会出翻一分力讲好广东话,尽我能力使广东话唔会消失.在坐各位,你哋如果支持我嘅话,就顶下我啦!!!!!
觉得讲广东话绝对唔等于落后嘅.就更要顶我! 
[ 此贴被zstzeagle在2009-08-15 19:05重新编辑 ]
