小7仔的人生...老豆篇!!! - 一切從生活開始
0
我算係東莞人士,呀爺嗰代係廣州生活.老豆排第二係五十年代民革得果幾歲,三兄弟就落左嚟香港投靠左個什麼十幾姑媽(即係呀爺d家姐定細妹)由於姑婆環境唔錯算幾有錢,但係都有自己嘅仔女.所以老豆同兩個亞叔一落到嚟就即刻送左去位於條脛嶺一間左派寄宿學校讀書,可能因為離鄉別井加上寄人籬下,三兄弟除左四叔讀書唔成,去左姑媽一間五金鋪做五金之外,我老豆同三叔小學至中學都年年考第一二(考第三嘅係唱歌果個除小鳳[堅架]),以前香港高中都係得中六...姑媽d仔女就去哂澳洲同英國讀大學,但係就只送我老豆或者三叔其中一個去台灣讀大學!!!由於我老豆做大,只好讓左哩個機會比三叔...而佢就從嗰時去嚟做野!!
其實七十年代以我老頭嘅學歷係香港地已經好勁,可惜佢無入到果時嘅英國正苦打工,如果唔係分分鐘做緊什麼司長局長或者咬緊五六皮野一個月長糧...諗起都覺得嘥料!!!
唔知係佢黑仔丫?!太過忠直,唔識轉彎丫?!定係懷才不遇呢?!?
好地地係間(玩具大王/啊X蘿)洋行做買辨,又遇上間公司有人收回佣,比果時嘅新野前ICAC調查!!不過查查下居然不了了知!?!佢又真係冇收過一分一毫,所以就同(有小小親戚関係"姑媽嘅女婿"[前立法會姓'丁'議員]嗰細佬)即是老闆撐到好痕,最尾重辟炮唔勞!!!...我懐疑係人人收,佢就死都唔肯收又唔肯埋堆,所以其他人玩野激佢走!!不過可能冥冥之中整定嘅,係哩間公司嘅廠房識左我亞媽.
跟住自己出嚟搞果時大熱嘅制衣業,重同老媽子結埋婚...好啦!!!點鬼知好好地又會遇上火捉又比人握!!啱啱上鬼道嘅廠房生意嘜都冇哂...不過重未黑完!?!?由於結左婚負擔重左只好馬死落地行...面包鋪又做,油站入油都做!!!一直到有左家姐,正確嚟講係家姐出左世,終於都轉運啦!!!可能家姐真係旺佢,點旺法呀?!?!就係比佢搵到份長工,做咩架?!?一個司機???咩話三十年前中學考第一畢業,居然走去揸車做司機?!?
冇錯係做一個跟鬼佬老細嘅司機,聽老媽子講好彩人工都唔錯,因為嗰個年代有車牌又要英文強重要肯做司機嘅人真係好難搵...冇計啦,比起搵朝唔得晚,個女又就快出世嘅時候嗰種心情,佢兩口子??唔係唔係...係一家三口已經好滿足!!過兩年重有埋小7仔tim,重算個天嚟個遲來的開眼,玩左佢半生終於都送返樣"順"野比佢咁啦.可能係我突然彈哂雜嘅出現,令老豆一直潛伏係心入面想搵過份文職工作嘅希望都冇埋,只好享受心中富有咁努力工作計續捱落去,供書教學章我同姐姐哩兩條化骨龍養大成人.
所以我同家姐一向都好孝順同尊敬哩個老野,從來冇怨過老豆點解唔係叫做"我減除"點解唔係含住d野出世,出生係個大富之家!!!
而我個三叔讀完大學番嚟就入左”痕身銀行”咁多年一直做到宜家都搵到四五皮野一個月架…想當年老豆間廠出事都有盡量幚手湊錢出糧比d伙記,但係隨住佢俞爬俞高,曾經都有試過好似有d鹽棄我老豆係揸車佬,四叔係五金佬,粗人一個,走去高盼d有錢人,其實咪盞佢自己辛苦!!!,即使冇讀大學係我老豆一生最大嘅遺憾,都讓你去讀又點會同你爭d去毛漂秒嘅野丫!! 好彩金融風暴同沙士過後,佢終於都明白兄弟靠得住同鶴立雞群嘅道理同舒服!!
而我哩一代兄弟方面…就係一家四口冇兄弟得一個家姐屋企最細係我,但係我都有個好親嘅細佬架喎,點解呢!?,因為我老豆係佢老豆嘅哥哥; 我亞娘係佢老母個家姐…簡單嚟講就係老豆同四叔,兩兄弟分別溝左我亞娘同亞姨兩姊妹囉,所以四叔個仔至細就好跟我哩個老表!!
我小7仔就係响哩個小康之家,比上或者不足, 比下卻卓卓有餘好開心咁長大嘅...屋企比到我嘅,我會好珍惜;比唔到我嘅,我唔會去強求!!雖然老豆果份算得上係辛苦工,但係從小就知道哩d已經係最好架喇!!
筋疲力盡的小7仔敬上
|
