地点：广州某路公交车，落班时间
一老婆婆&一年轻女仔起口角，事由大概系年轻女仔唔让座，老婆婆继而发飚，闹年轻女仔无家教，老婆婆敦起长辈口吻:
老：“你屋企无老人咩？”
嫩：“我屋企D老人家有车！就算要坐公交车都唔会等上落班时间。”
老：“我地贡献咗社会大半世，边有你咁样唔体谅老人家嘅”
嫩：“我E+仲水深火热咁贡献紧社会，上10个钟班企足10个钟，边有您咁唔体谅后辈咖，唔通您就无儿无女无孙？”
老：“无我地建设社会，你地呢代人边有舒舒服服日子过？”
嫩：“E+无我呢代人纳税，您边有免费车卡？”
老人出绝招 ：“我唔理，我E+辛苦到抖唔到气，唔舒服，你让俾我坐！”
此时已经有人顶唔顺，让咗位俾个婆婆，老婆婆唔制，死都要个女仔难堪
女仔作最后反击：“得得得，您老人家唔好落车，我帮您打120，废事您凸然暴毙！我最憎你呢种倚老卖老嘅人，兼队逼上车过阵就扮成龙，上咗车就就扮林黛玉！”

顿时道出全车人心声……

叫个嫩嘅收皮

点讲呢,各有各的难处...个老人家又是串得滞的...

刁民......

都几滑稽下

宽容的，后生应该让坐，老人家都唔好倚老卖老。

老吾老以及人之老
       

佢地兩個都好串。

睇完反而覺得個老人不對。

个老人摆明就找打啦，甘既语气仲想人地让座啊

一係唔坐公车 坐咗上去就预咗让座 有个老人家企係你隔离唔让座都觉得唔好意思啦 咁同个阿婆吵 点都係个后生唔啱啦

兼队逼上车过阵就扮成龙，上咗车就就扮林黛玉！

猛人一个.

让唔让座系个人自愿既。。。唔系规定一定要让比老人

我不嬲都好少让位俾人地既，因为系广州坐车真系好 支力

吾出声我反而会自觉让位比D老人家～～～～但系呢D甘样甘好宗气的一上车就叫人比个位距坐的人呢～～～我就会学呢个年轻人一样打死都吾让架啦～～～～～有左免费车就系吾系都坐～～～搞到D公交压力大晒！！！！仲要似老卖老好似自己皇帝甘

Quote:

引用第10楼wildduck于2009-07-09 11:09发表的:
兼队逼上车过阵就扮成龙，上咗车就就扮林黛玉！

猛人一个.

我觉得改成“逼上车果阵就扮成龙，上左车之后就变成虫”押韵DD！！！

Quote:

引用第9楼moonwalk于2009-07-09 11:05发表的:
一係唔坐公车 坐咗上去就预咗让座 有个老人家企係你隔离唔让座都觉得唔好意思啦 咁同个阿婆吵 点都係个后生唔啱啦

就算想人让位都吾系甘态度架～～～我见过有D老人家吾舒服都系“话年轻人我吾系好舒服啊，可吾可以让个位比我坐下啊！”你甘样的态度人地都吾让就话姐～～～不过我觉得甘样讲基本人地都会立刻让架啦～～～～不过呢个阿婆甘态度我觉得打死都吾好让啦～～～左距媳妇就惨罗！！！

明显係老人家唔啱，同后生逼上落班时间就最错
态度又差，无法律规定一定要让座

各有各错....无得比较

唉~道德问题.
子华话斋"边个讨论道德问题,边个就系唔道德"
多啲关怀同体谅啦~

我个人觉得，老人家冇乜必要都唔好上落班时间去同D后生嘅逼啦

唔让位俾佢，又好似讲唔过去

让位俾佢，人哋仲要上班咖，返工已经好辛苦咖啦

广州坐车少极都半个钟到一个钟，咁企法，硬后生都假啦

我都係咁同我阿公讲，叫佢未过9点唔好出门口嘅

好明显就系果只鳍英吾啱在先啦

如果个个老人家都识得非繁忙时间出去活动就好罗～～～

一樣米養8樣人

林起上次我比个阿伯拍醒我叫我比个位距.........点解我吾识好似呢个女仔甘呢～～

。。。。。根据个女仔甘讲
人地企足10粒钟真系几死~
哎~各有各难啦~

其实老人家就无多人先出门拉！！

另一方面又好难怪人~~上班够辛苦~落班仲要逼车就肯定有脾气架了！


其实就两个都吾岩~老人家都要照顾~~都要体谅后生！

歧视倚老卖老

更加歧视 打横嚟

个阿婆都SHORT噶

哈哈。。两只老野都牛~~

但前提系咩先，如果引发呢个闹剧系因为个女孩子同个婆婆争位，争唔到咁闹个老人，咁就好唔对。

如果系个老人想坐，叫个女孩子让唔让，个老人态度又真系差左D。

不过个人觉得一般大部分老人都系真系辛苦先会开声叫你让一让坐，一般情况下，都唔好意思叫你让。如果自己果日唔系好疲累或者唔舒服，我都会自动让位囖。因为我见过有司机杀车，有个老人家跌系地下，通到佢喊，后来有帮手送佢去医院。到时候大家重麻烦，而且各老人又辛苦。大家屋企都有长辈，自己情况许可米让下囖。无谓太执着某一D问题。根本冇谁对谁错，巴士属于公交车，公嘅，人人情况许可下都可以上车，无谓太过怨气。