头先睇咗个投票，写咗长长嘅一段...原嚟锁咗，发唔到，写咁辛苦，我就发呢度啦
系人都知我长气袋，3000米同5000米轮住跑比赛。我同女友拍咗6年几，唔结就分咖啦，最后...分咗。其实我一直都唔想结婚，因为我发觉，我对佢要求太多，好多嘢都唔啱心绪，最重要嘅系，我真系唔知女人系要嚟做乜。有人话，女人系要嚟锡嘅。我唔明咯~点解要锡女人呢？你唔爱佢，点解要锡佢？你爱佢，你锡佢，又系为乜呢？唔通对方日日对你拳脚相加你都仲锡佢？唔好同我讲，你锡佢冇目的啊~我好现实咖，我爱，我就付出，因为我开心，因为对方开心我开心，最终因为我为咗我开心。有人话，女人系用来娱乐。呵呵，点娱乐？我觉得讲呢种说话嘅男人好CHEAP...如果我系女人，我谂我会咒佢冇高潮
。其实 ，有时候又真系为咗解决需要，不过我6年，6年我都唔知做过几多。不过最后两年，一年3次，两年5次。有边位男同学可以日日同自己爱人瞓埋一齐，两年只有5次或更少嘅，举下小手
。其实，自己女人嘅作用系乜呢？其实，冇嗰啲XXOO我问题唔大，我仲有左右手嘛~其实，我希望嘅系，可以主动啲照顾下我，主动啲关心下我。我父母又冇话真系同我住埋一齐，其实好多嘢都可以主动做下，洗衫，煮饭，搞下清洁。不过我嘅女人并冇咁做，咁样做嘅，只系我。我好唔好？我唔敢话我好。我唔想俾佢做呢啲嘢，系因为我唔想佢双手变到我似我双手咁粗糙。虽然佢唔靓女，我唔想佢入厨房，系唔想佢真系黄面。但系，当同朋友一齐嘅时候，佢就始终同我啲FRIENDS倾唔埋，仲俾面色人哋睇...男人要面，我要面。女人？要来做咩嘅呢？我好忙，忙到傻，我冇时间煮饭，我都会俾电话佢，约佢出来同朋友一齐食饭，我唔系想佢俾面色我朋友睇，只系担心我唔煮佢唔会主动去食嘢，惊饿亲佢咯。点知咁都可以俾佢闹一餐...我失望咯，唔系对佢失望，系对爱失望，睇唔到希望咯。点解佢唔珍惜？
对于我，爱，冇可能冇目的，对方开心嘅事，自己一定会做，表面睇，系为咗对方开心，实际为咗自己开心。只系呢种开心表现得更无私。
结婚，真系要适合，唔系爱到浓时嘅一纸甜言，唔系激情过后嘅情债，系两个家族间嘅缔结认同，系以法律形式承诺与负责。希望在恋爱中嘅男女，好好珍惜自己同对方。
