今晚堂叔稳我，问我而家工作环境和收入，知道唔系咁好，跟住转话题，就话XXX（堂姐名字，隐去）而家系广州既生意规模日益渐大，需要人手，基于一种信任和扶携，就想我过去帮手。堂姐系做参茸生意的，但我系外行，惭愧咁讲句我连参茸都未吃过。。但堂叔就帮我打强心针，话都系屋企人唔需真系要你系内行，都唔会叫你做粗重工，工资待遇肯定比你而家收入多一倍都得。。。
听完就有D心郁郁，但又有D担心，打亲戚工，做好份工系本份，但做唔好，自己难交代，堂姐又唔会真系兜巴咁闹你，心理压力会好大。。另外一方面本人而家就职国营企业，仲要系公司骨干，如果系普通职工要承包出去，随时都可以，但因为我系骨干，手头工作多，老细肯定唔会放人，就算肯放人都唔知要拖到几时，最坏既打算就系辞职，辞职好唔好，我都唔知。。所以发帖希望各位比小小意见。。

本人觉得都系唔好打亲戚工啦，以前我都试过同屋企人、亲人合作，但系好难合作，而且摩擦亦非常多，如果你做得唔好，距又唔好意思比面色你睇，屈埋屈埋自自然然就会系你家族其他亲戚度讲你坏话，搞得唔好连亲戚都无得做，而且你而家份工都几好啊，国企骨干，珍惜你而家噶工作啦。反正我就有甘噶经历，呢样亦都系好实际噶问题来噶，自己考虑咯。

无所谓好唔好嘅，不过你要分清楚你堂叔系唔系一时兴起而讲咖，你知了，亲戚见面好多时都为咗面子讲得几好，实际有无咁好你要自己去分了。二来你都系外行，又话唔洗做粗重野，咁你去到唔通坐系度等出粮咩。所以你要判断下你堂姐系唔系真系够耐心忍受到你慢慢从头学起并且又出咁高工资给你了。最后你真系要问清楚你堂姐你去到可以做咩先，唔系去到无实质事务做，你自己都觉得空虚寂寞冷啦。

咁我堂叔唔系吹既，堂姐生意真系几庞大，唔知广州人有冇听过“新X参茸”，堂姐应该系新X集团董事长、总经理之类，系香港都有注册。去年扫墓开过百万宝马番来。。

Quote:

引用第2楼楊順儀于2014-01-30 00:15发表的  :
无所谓好唔好嘅，不过你要分清楚你堂叔系唔系一时兴起而讲咖，你知了，亲戚见面好多时都为咗面子讲得几好，实际有无咁好你要自己去分了。二来你都系外行，又话唔洗做粗重野，咁你去到唔通坐系度等出粮咩。所以你要判断下你堂姐系唔系真系够耐心忍受到你慢慢从头学起并且又出咁高工资给你了。最后你真系要问清楚你堂姐你去到可以做咩先，唔系去到无实质事务做，你自己都觉得空虚寂寞冷啦。

咁我堂叔唔系吹既，我所知堂姐生意真系几庞大，唔知广州人有冇听过“新X参茸”连锁，堂姐应该系新X集团董事长、总经理之类，系香港都有注册，去年扫墓开过百万宝马番来。至于第二点就真系要问下做D乜啦。。我宁愿做基层工，起码仲算有D贡献，都好过憨居居咁坐等出粮。

只要精益求精，努力工作，去边度打工都一样。

很难，人与人之间一旦有了利益关系就有摩擦，如果是亲戚这种摩擦的消化时间与影响就越长，一旦互相唔妥就只有等着面懵收场，除非你好识做人，八面玲珑，但系睇落又唔似。而且隔行如隔山，做参茸海味是要靠经验累积，无书睇，只有师傅肯教就教，入左呢行就预左慢慢磨。同亲戚打工一般2个收场：1、不欢而散另谋出路；2.不欢而散自立炉灶。另外做参茸要压货，无返一千几百粒自立炉灶你就不用想了。

你以家在国营企业做骨干，如果是我嘎话就不出来了。

同亲戚打工最唔好，我就是例子，干了两年，翻脸走人

唔好 当你唔想做 唔好意思开口
亲戚方面 如果你表现唔好 唔想继续请你 又开唔到口
对双方都唔好
最后无论 你走 或者 亲戚解雇你，都系反面收场，亲戚可能继续可以做，但见面都面左左

Quote:

引用第3楼wdfb于2014-01-30 01:02发表的  :
咁我堂叔唔系吹既，堂姐生意真系几庞大，唔知广州人有冇听过“新X参茸”，堂姐应该系新X集团董事长、总经理之类，系香港都有注册。去年扫墓开过百万宝马番来。。

你堂姐仲招唔招人？我之前都系D细公司做，待遇嘛嘛地，所以做唔长，想去D大公司，收入高D稳定D

做好点就会累 做唔好 系唔会【www.canton8.com不良信息过滤】你不过 过以唔去  
              打死 都唔好做亲戚工啊 心理压力好大啊

好简单者，去兼职一个月就清楚晒，一时冲动就辞职不好吧。最好就系，兼埋你堂姐请你的这份工，掂。

如果你喺国企骨干根本就唔需要其他人俾意见你~

你系过期骨干

我覺得你最好都系做翻宜家呢份工，唉同亲戚打工，真系做得好就好，唔好搞連亲戚都無得做。講真脾氣心情差個個都會有，系出面打工有咩唔開心都可以爆。。。同亲戚打工，只可以做忍這龜。。。

千其吾浦去亲戚到打工