查看完整版本: [-- Hi 大家还几好吗? --]

蓝调粤语 -> 粤语吹吹吹水区 -> Hi 大家还几好吗? [打印本页] 登录 -> 注册 -> 回复主题 -> 发表主题

忌廉棉花糖 2019-04-25 23:37
    今晚同喱两个星期以囄嘅往晚一样係电脑睇完一部电影发觉先10点多啲,继续无无聊了咁一个人坐喺得自己一个嘅办公室就係唔想起身翻屋企。谂住再搵搵有乜新片下载先等听晚或以后好似今晚咁做完嘢睇边饱先翻屋企。但係发觉以前留喺遨游收藏夹里面电影个文件夹里面嘅好几个以前经常登录下载电影嘅网站通通打唔开,可能版权问题又或者经营问题都已经纷纷落线,最后谂翻起以前我其中一个我最中意逛嘅论坛《蓝调粤语》都好似有电影下载,就抱住孤注一掷嘅心态打开左个链接。啊,竟然仲入到主页连账号嘅记录仲喺度,真係不枉我十年囄仲係咁支持遨游浏览器。废话讲咗咁多主要真係年纪大啦.......
    睇番我自己个注册日期竟然係08年02月06号十一年啦!喺我浏览器收藏夹能够打得翻开嘅又超过10年嘅,而且仲要係非官方嘅论坛都唔知有冇3个,呵呵.......
     Hi 大家几好嘛,我真係好多年冇上过囄蓝调,可能主要係手机开始可以上微博开始,跟住工作嘅原因,家庭嘅原因,唔可以再畀我好似以前咁食完晚饭坐低打开部台式电脑,第一时间上论坛睇睇啲水友又发啲乜新奇有趣嘅话题上囄,又睇睇自己今日总共攞咗几个THANKS。不过今晚上囄睇住喱个好熟悉嘅版面但係脑里面真係谂唔起以前最关注同最钟意嘅水友个ID,唔知係佢地改咗ID名定係我记忆真係差成咁呢。唔知佢地仲有冇得闲上囄蓝调睇睇呢,唔知佢地喱家变成点呢,唔知仲有冇人记得我“忌廉棉花糖”喱个ID呢.........
    真係冇错,人老咗就真係钟意睇旧时,睇下睇下觉得旧时啲嘢好似琴日嘅事但係你又已经唔记得太多细节,觉得囄喱家越离越远又好唔舍得好想捉住佢嘅脚印。谂翻自己又唔算好大年纪将来仲有好多个10年但係最唔钟意嘅就係“桃花依旧人面全非”嘅感觉,但係未来咁多嘅10年又要继续面对无数“桃花依旧人面全非”嘅感觉真係越谂越忧郁。真係好耐冇喺网上抒发自己嘅感觉,因该係从习惯有微信开始,觉得喺啲熟人睇到嘅地方写喱啲嘢好核突,可能係自己要喺屋企人同係身边人嘅眼中自己永远要做一个“强人”一个“冇嘢谂唔掂”嘅人,所以慢慢习惯收起自己所有内心世界。我知道心里面有嘢屈埋屈埋係会出事嘅,但相信我身边嘅同年人都係同我差唔多咁嘅情况,起码我都好耐冇见佢地喺朋友圈抒发过自己嘅心情囉。唔知道你又係唔係同我一样呢?
    唔经唔觉又点起咗第三支烟,唔经唔觉乱七八糟打咗十几行字,唔知到论坛有几多人会睇晒喱篇又长又臭嘅贴,又有几多人回复,又有几多人畀THANKS呢,唔知道回复嘅人里面有冇曾经热情互相跟帖嘅你呢?!
    睇睇个钟十一点半,其实仲有好多嘢想讲但係唔走唔得。唔知道听日瞓醒一觉之后仲记唔记得我今晚喺蓝调发嘅喱张贴,唔知道几时又会翻囄蓝调逛逛睇睇有冇人跟帖...........点都好,我都一定好似我当年注册ID嗰阵写嘅签名“赶都唔走”,我一定会翻囄嘅!最后祝蓝调粤语千秋万载,永世不灭!

lx_jason 2019-04-26 08:44
赶都唔走都唔一定翻岛囄噶,可能蓝调会踢你走呢、可能蓝调会转型唔做论坛呢......真係越谂越忧郁噶

忌廉棉花糖 2019-04-29 15:49
呵呵,我今日又翻咗囄啦.........不过谂唔到得你一个跟帖,多谢你先!

幸福瞬間 2019-05-08 14:28
自從改咗版之後就冇得再畀Thanks啦!


查看完整版本: [-- Hi 大家还几好吗? --] [-- top --]


Powered by PHPWind v6.3.2 Code © 2003-08 PHPWind
Time 0.017703 second(s),query:4 Gzip enabled

You can contact us