原著《不詳》作者:也不詳
「龍游淺水遭蝦戲，虎落平陽被犬欺。」
改篇《不長》作者:棟七穿牆
「龍遊氹仔不須記，苦樂平常志高飛。」
===================================================
有人話:原著出自哩期大熱清袋-蒲松齡嘅《醒世姻緣》第八十八回：
「龍游淺水遭蝦戲，虎落平陽被犬欺；人情似水分高下，世事如雲任卷舒。」
翼都有人話:早在明袋《西遊記》已有「龍游淺水遭蝦戲 虎落平原被犬欺」的記載: 《西遊記》第二十八回 花果山群妖聚義 黑松林三藏逢魔。
更加有人話係三國時袋《魯肅化干戈》中朱割亮同周如對對下對...唔覺意隊左出嚟嘅幾句!!不過只係後人杜撰嘅故事,不是史實?!
===================================================
講番朕改嘅幾只字,完全係苦中作樂,雖然宜家份工做到仆街都搵唔返以前做行嘅人工,不過起碼都無放棄,即即極極搵啖苦飯咬下咁囉!!
80後:小兄弟嘗言道:咁辛苦~我唔做喇!!
90後:大姑娘腫是說:咁多野做~想收買人命咩...
面對公司一班小鬼...教又唔肯學>鬧又話唔撈>氹又練精學懶!!
===================================================
昂七公
心震半日游
上星期朕親自去深圳接應(王小姐)南驚飛過嚟嘅廠商攞布...成60碼...兩碌(卷),本來安排小兄弟去...殊不知佢林時話唔輸服,請左病假?!?!?亞孖教落打爛人地飯碗哩啲陰質事朕永遠唔會做,公司當日得返朕一只壯男,好-人棄我娶...順便睇下有冇艷遇都好...
點9知南驚班機delay左成粒幾鍾...攞得寄倉行理再由保安基場開車去香格您奶...朕足足飲左百9幾蚊放血咖啡先見賭哩只miss wong!!!好彩佢都算okay靚架可惜由於架死人飛機擔誤哂啲時間,原定嘅枱腳冇時間撐囉,交換左卡片/抄個牌(交換電話)就要打道回苦囉!!
講返正題:「龍游淺水遭蝦戲 虎落平原被犬欺」係我去到深圳等左成半粒鍾後先收到王消息班機delay左,係order第二杯放血咖啡嘅時候諗起,覺得自己的確冇需要/冇必要屈係間廠度做?!?但係當我托起兩碌都幾重嘅印花辦布,成功過左關...拖住沉重嘅身軀躝埋上架火車嘅時候...朕咁大個仔...第一次有人主動讓個位比朕坐,雖然我冇接受哩位乘位客(女性)嘅一番好意,但係佢對朕哩一遍真心?!hehe...真係嘜x野負能量都冇哂...就係火車差唔多去到旺角東站嘅同時...一遍湊密繁華嘅夜境給予朕多一點點靈感同動力:「龍遊氹仔不須記，苦樂平常志高飛。」就係咁up左出嚟!!
大家可能唔明點解...南驚工廠嘅辦布,居然要hand carry(成本更高)唔用速遞?!?
話說哩間廠係朕搵返嚟,幾十碼布/來回機票/車票/飲茶灌水事小..準時交布比制衣廠起成衣辦再寄比終極客人開會,直接影響新季落唔落得成大貨單...而朕哩個美國客...行內都算大枝野,朕計過條數南驚寄順風到香港要起碼兩日/Fedex過左收件時間直頭唔止兩日,但係南驚直接搵人飛深圳幾粒鍾/朕上去托返兩碌野過嚟又係幾粒鍾..安排得好前後慳左起碼一日半.
最後送多兩個道理比大家(一班未滿足於現狀嘅人)
Re:廣大嘅80/90後小兄弟姊妹...
哩個世界出錢嘅話事!!
「辛苦」唔死得人嘅..抖一陣/再唔係落街打過邊爐(煲番枝A),返嚟再搏過囉!!
To:中小企(創業哩班)...
哩個世界業主話事,如果公司賺到錢...一嚟要立品-對班手足好啲.二嚟每當估市/樓市熱錢流入前就要流意定準備換鋪位.
好耐冇打過咁多中文字鳥
原來將啲不幸向好果方面諗
朕都寫得兩句
香江七號
敬上
[ 此贴被gy77gy77在2010-07-21 00:23重新编辑 ]
